19/09/2021

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba fenyotho mşahılfe du garbiyo u du madınho d’Suriya.

Lfuth i sictho du hulmono di mdabronutho yothoyto, hedor 24 alfo farsufe tafilın u kewo d’Corona, baynothaye 824 mayithi mu zabno dımbarbazwo u virus d’Corona ba fenyotho du garbiyo u du madınho d’Suriya u hul ucdo.

İ sictho du hulmono di mdabronutho yothoyto du garbiyo udu madınho d’Suriya, athmıl mawdacla d’mayıth tmınyo farsufe u 508 hrene tafilın u vrius d’Corona ba fenyotho mşahılfe du garbiyo udu madınho d’Suriya.

Lfuth u rişono zawgoyo di sictho Jwan Mustafa, bayn da tmınyo dmayithi bi Corona kito tre gabre u hdo athto bi mditho di Hasake, u xıdwothaye ste bi mditho d’Qamışli, ukito ste gabro bi qastra d’Qabre Hewore u hreno bi fnitho dı Der Ezzor.

Lfuth u statistik dıfrısla i dafo ruşmoyto di mdabronutho yothoyto calu menyono dıtafilın athmıl u virus d’Corona, kito 147 kayiwe bi mditho d’Qamışli, 95 b’Derik, 62 bi Hasake, 46 bi qastra d’Macbade, 46 b’Tabqa, 38 b’Raqqa u 35 bu qlimo dı Froth.

Kito ste 16 farsufe dıtafilın u virus athmıl bi qastra dı Rmelan, tışco b’Cmuda, ışto bı Mabuğ, tlotho bi qastra di Jawadiye u tlotho hrene bi maşritho d’Nawroz u tre bi maşritho d’Roj. Bebzabno, i sictho du hulmono mawdacla d’14 farsufe mbayn dani dıtafilın u virus athmıl, u hulmonaththe ucdo towoyo.

Mu zabno dımbarbız u virus d’Corona ba fenyotho di mdabronutho yothoyto uhul ucdo, u kewo tafi l’23 alfo u 964 farsufe, baynothaye 824 mayithi, u 2042 nayıhlın mu kewo.

Check Also

U gayso Athronoyo d’Suriya dıkmısnıd me Turkiya msıkle bu yarho d’İlul d’şafıcina hol 52 farsufe

U tukoso da zedqe noşoye leşan i şrorutho wi kinutho da Suriye, frısle taşroro calu mınyon…