27/04/2020

İ şultonutho d’Boğdod maklela i butja du qlimo d’Kurdistan

27/04/2020

I şıltonutho du Iraq maklela i butja du momuno dıkobo lu qlimo d’Kurdistan du Iraq. I celtho du tekliyo di butja kmitawmır du qlimo lı maslamle u momuno a zuze du zebono du nafto.

Lfuth i awyutho dkito bayn lu qlimo d’Kurdistan du Iraq u li şıltonutho d’Boğdod, a zuze du zebono du nafto du qlimo klozım mitaslımi li şıltonutho, u bıthır i şıltonutho kımbayno i butja dıkobo kul yarho li şıltonutho du qlimo d’Kurdistan.

Lfuth i awyutho dkito bayn lu Iraq u lu qlimo d’Kurdistan du Iraq 25 bu yarho da 11 di şato da 2019 u qlimo gıdmaslım a zuze du zebono 250 alfo varile du nafto klozım masılmolın li şıltonutho du Iraq, u ma zuze dıgcobır li şıltonutho d’Boğdod  kmitahwe , butja du qlimo d’Kurdistan du Iraq.

Elo lfuth atebe dhın mabuce du tboco froso Boğdod maklela i butja dıgdobo lu qlimo d’Kurdistan du Iraq, metul du qlimo lı maslamle a zuze du zebono du nafto du zabno haroyo.

Bu şıklano i mwatyutho bayn lu qlimo u li şıltonutho d’Boğdod kzaydo.