Turkiya kiba dhıjmo cala haylawotho du gayso athronoyo

U gayso athronoyo d’Libya dkımrayşanle rabhaylawotho Xalifa Haftar, mzaharle m’Turkiya dkiba dhıjmo cala haylawotho du gayso athronoyo dilonoyith bıthır mıdmarkawla tarte sfinotho du qrobo bu lmino dı Tarablos. Camgabıdathe, u gayso athronoyo d’Libya mawdacle dı Turkiya mşadarla hul ucdo zıd m’17 alfo marıhbone ma çatawiye d’Suriya lu athro d’Libya.

U malolo du gayso athronoyo d’Libya rabhaylawotho Ahmad Almismari, bi maqırhonutho dhule adyawma li sferyawmo d’Alşarq Al Awsat, maglele cal Turkiya dmarkawla bu lmino dı Trablos tarte sfinotho du qrobo u soruhe di mudafaca oyaroyto.

Almismari mzaharle mu haylo oyaroyo d’Turkiya dkibe dhojım cala haylawotho du gayso athronoyo dilonoyith dkıtne bu madınho d’Libya. Almismari dımakadle dkito rmoşo du qrobo mi xasra dı Turkiya bu qlimo dı Trablos mırleste “a’haylawotho di şultonutho d’Alwifaq dkımrayşanla Fayez Alsarraj mamtela bu zabno di şalyuthzayno grube rabe ma çatawiye d’Suriya u marıhbone hrene m’ğer ğensıwotho. Kito ucdo zıd m’17 alfo marıhbone dınqili mu athro d’Suriya l’Libya, baynothaye hedor 1800 daciri l’Suriya, u zıd m’alfo hrene qtili ba taxtuşe”.

Bu yarho d’Othır i şato da 2011, u mawtbo di mşaynutho d’Emwotho Mhaydotho bu fusqonayde da na’1970, mnıcwole an’athrawotho hadome kulle b’Ewmotho Mahydotho dlımzabni awste dlımşadri Zayne, radoyotho folhoye u mcadrınwotho lojestik lu athro d’Libya. Elo Turkiya mu zabnawo uhul ucdo kturo u fusqono d’Emwotho Mhaydotho u kımdawmo dımşadro Zayne, folhe u marıhbone l’Libya.