İ şultonutho d’Boğdod qtıcla a zuze dkobo kul yarho lu qlimo d’Kurdistan

İ wazirutho du momuno du Iraq mawdacle dıqtıcla a zuze dkobe qulnaqa lu qlimo d’Kurdistan du Iraq, mi celtho dlayto awyutho kamılto bu qyomo du nafto dkito.

Bıthır mıd mşatıs şıltonutho hathto ktılbo mu qlimo dhowelın itawyotho u dırşi a yuthrone du zebono du nafto mışkıl gıdfılğile.

Qulnaqa dkowe lo fhomo cal hıdode bayn li şıltonutho d’Boğdod u lu qlimo d’Kurdistan, işıltonutho kmakılyo u snodo dkobo lu qlimo d’Kurdistan dkıtyo falqo ma yuthrone du nafto dkımzabın u qlimo.

Ucdo bıthır mıd mşatso i şıltonutho du Iraq dkıtyo bi rişonutho d’Alqademi mawdacle hul dılo mıtafqi cami mdabronutho du Qlimo lawkobın a zuze dobınwolın kul yarho lu qlimo dıkmote u mınyonathe 333 mılyune dolare.

U itiffaq dkito bayn li şıltonutho d’Boğdod u lu qlimo u qlimo a zuze dkımzabın u nafto kımşadarlın li şıltonutho d’Boğdod, bıthır Boğdod kımşadro mınyono dkıtyo mtahmo lu qlimo laşan mifalığ la cawode du qlimo.

İ mcadronuthatheyo dmawdacle i wazirutho du momuno d’Boğdod dmakılyolın hol datre mdabronwotho mıtafqi camhıdode.