İ şultonutho d’Turkiya marhaqla u mgabyo di qritho d’Arkah mi wolitheyde cal kmıthım bi marhıbonutho

Turkiya marhaqla u mgabyo di qritho d’Arkah Josef Yar mi wolithayde.

 Lfuth u tebo dmıdlan me Turabdin athmıl u qaymaqam d’Nsibin qrele lu mgabyo u mawdaclele, dıklozım dmaslım a tabce-awkith a muhrat di mgabyutho, metul dmid fusqono dmitakle mi wolithayde mgabyutho.

 Bi sbuthathe i mawdconutho dmıdlan athmıl yawme dıtre marhıq arbco mgabye baynothaye u mgabyo di qritho d’Arkah Josef Yar mi wolithathe. İ celtho dmahwe da mgabyani dı marıhqi mi wolithathe dkito buqore bhaq dıdthe dıgmithomi bi marıhbonutho.

Lfuth i mawdconutho dmıdlan mi qritho d’arkah athmıl bıthır me falge d’yawmo u kaymaqam d’Nsibin Mehmet Balıkçılar mtalfanle lu mgabyo di qritho d’Arkah Jusef Yar dızze side, bıthır mıd u mgabyo azze su qaymaqam tamo u qaymaqam mawdaclele dı marhıq mi wolitho di mgabyutho mawxa klozım maslım a tabce awkith a muhrat di mgabyutho, wi celtho mahwele dkıtyo thimo bi marıhbonutho.

Bu şıkılano u mgabyo di qritho d’Arkah Josef Yar marhıq mi mgabyutho u b’dukthe gıdhowe u aza qamoyo dkıtyo Sabri Altay. Xıd kıtyo idico u mgabyo di qritho d’Arkah msıkwo bu yarho du ha bu zabno dımsıkwo abuna dayroyo Aho Belican  u marfınwo bıthır mu hboso dhawiwo mu cameydan cali şıltonutho d’Turkiya.