İ sunados mqadaşto di cito d’Madınho d’Othuroye layimo laşan dımnaqyo fatıryarxo hatho

İ sunados mqadaşto di cito d’Madınho d’Othuroye, athmıl layimo laşan dımnaqyo fatıryarxo hatho li cito mdarbıd di qadişutho du fatıryarxo ducdo dmıstacfele mi wolithayde Mor Gewargis Tlithoyo Sliwa.

Hul ucdo latyo mbayno mıqqa gıdımdawmi a’ytawyotho di Sunados, elo u fatıryarxo hatho dgıdminaqe, kmıntır dmitasrıh ruşmoyith 13 bu yarhano d’İlıl.

Cali qroyto dsımwole i qadişutho du fatıryarxo di cito d’Madınho d’Othuroye Mor Gewargis Tlithoyo Sliwa, athmıl i sunados mqadaşto di cito layimo bu qentrun fatıryarxoyo dkıtyo bi mditho d’Caynkawa b’Arbil, bnişo dminaqe u fatıryarxo hatho di cito mdarbıd di qadişutho d’Mor Gewargis Sliwa dmıstacfewole mi wolithayde mi celtho du hulmonayde dlatyo towo.

Ba ytawyothani di sunados dlatyo mbayno mıqqa gdımdawmi, balhude i sbutho du neqoyo du fatıryarxo hatho kmıdroşo ebaye.

Ucdoste fatıryarxo Mor Gewargis Sliwa dkımrayşın a’ytawyotho di sunados mqadaşto, ruşmoyith meqım mdımşarın a’droşe mıstacfele mi wolithayde, wu fatıryarxo hatho dgıdminaqe mbayn da hsayo u efesqufe hadire, gıdhowe u fatıryarxo da 122 dgıdyotu calu kursiyo di cito d’Madınho d’Othuroye.

Lfuth u buyono dıfrıswo meqım mi notarrozutho di sunados, u fatıryarxo hatho gıdmitasrıh bu yawmo du cedo du Slibo mqadşo dıknofıl 13 bu yarhano d’İlıl, bi cito d’Mor Yuhanna Macımdono bi mditho d’Caynkawa.