İmwatyutho beyn d’Amerika du Sin b’şıkılat mşahlıfe kımdawmo

Izgadutho du Sin huwla amro, dmısxori i izgadutho d’Amerika dkıtyo bi marcitho d’Chengdu du Sin. U amrano du Sin funoyoyo l’Washington, bıthır mıd Amerika sxırwola i izgadutho du Sin dkıtyo b’Teksas.

 Me gabo hreno u waziro di baroyutho d’Amerika Mike Pompeo bşıkıl qaşyo hjımle calu Sin bu mamlo dsımle athmıl u tlıble ma bnayqyomo d’Amerika dmaqşın uhbosathe calu Sin.

I mwatyutho qaşyo zıttır beyn da 2 athrawotho qawye dı britho Amerika u Sin ba zabne haroyani mcal fothe du virus d’Corona, ucalu qonunu di mşaynutho dmahıtle u Sin cal Hongkong. U Sin dıkmaşe ucdo siyase qşitho di baroyutho, hawi haylo saqıbloyo rabo l’Amerika u lu macırbo bıthır ma tedbire dmahti acle, dmaqımi aqyome dımdınwo acme, u qrobo di tagorutho dkito beynothaye u camathe kulaste, hawi u Sin u haylo trayono rabo bu haqlo du momuno.

Yawme dıtlotho dı şafıcinaste huwola Woşington amro, dmısxoro i izgadutho du Sin dkıtyo b’Houston Texas. U amrano d’Amerika huwo ma thome di goşuşutho uda kampanyat dıkmaşyo i izgadutho du Sin b’Amerika u msıkwo athmıl 3 farsufe dıkmıthomi dkıtne mu gayso di Hirutho du Camo du Sin.

U hrenoste mahzamle li izgadutho du Sin dkıtyo b’San Farnsisco. U amrano d’Amerika, xlıqwole hfuxye rabe bu Sin wu wazirutho di baroyutho du Sin mırwola; U Sin ksoyım qroyto l’Amerika, baroyo dı ducro bu fusqonano dkıtyo fawdo rabo. Wu xıd funoyo l’Woşington, u Sinste sxırle i izgadutho d’Amerika b’Chengdu. Cali aykanoyuthathe, u waziro di baroyutho d’Amerika Mike Pompeo sımle qroyto la hayle bnayqyomo du athro, dmaqşın u hbosathe leşan u Sin dmıjbır dsoyım şuhlofe.

Pompeo mırle; Ha i şrorutho domır di siyasaydan xıda siyasat dan athrawotho hrene dkıtne hire, maqımlın u momuno du Sin cal rağlothe. Elo ucdo khozina d’Bejing, kınukto i ido dımcadarlala. Klozım dıjubrina u Sin dsoyım şuhlofo, cal du camlano d’Bejing kımhadıd u camaydan wa yuthronaydan.