TOPSHOT - An Israeli flag is seen placed on Mount Bental in the Israeli-annexed Golan Heights on May 10, 2018. - Israel's army said today it had carried out widespread raids against Iranian targets in Syria overnight after rocket fire towards its forces it blamed on Iran, marking a sharp escalation between the two enemies. Israel carried out the raids after it said around 20 rockets, either Fajr or Grad type, were fired from Syria at its forces in the occupied Golan Heights at around midnight. (Photo by JALAA MAREY / AFP) (Photo credit should read JALAA MAREY/AFP/Getty Images)
30/11/2020

İmwatyutho beyn İsroyel u du İran yariwo

30/11/2020

U İran thımle İsroyel wu tukoso dıkqore ruhe Mujahidi Xalq bi mşalutho dcalu qatlo du yadıcthono bu haqlo du nukler Muhsen Faxri Zada.

Megabo hreno, u gayso d’İsroyel mawdacle dkıtyo mtaybo cala thume d’Lebnon u du Golan, bnişo dnofıq mqabıl dayn hjomo dıkmıntır dhowe mu İran xıd funoyo lu qatlo d’Zada.

 U notarozo du mawtbo celoyo di mşaynutho umthoyto du İran Cali Şamxani, mawdacle du suikast du qatlo du yadıcthono Muhsen Faxri Zada, hawi lfuth tahrazto u uslub hatho, u thımle İsroyel dmıstacmela b’şıkıl profesional makinat du nawlo, laşan dqıtli m’ruhqo u yadıcthono dımşataswole i tahrazto folhoyto İranoyto du nukler ba 10 ışne qadmoye du dorano da 21.

Bebzabno, u froshezwo İranoyo d’Press, mawdacle du zayno dmıstacmıl lu qatlo du yadıcthono Zada snic b’İsroyel, wu qatlayde hawi bu darbo da sahre sınci. Camgabıdathe, u waziro du sutoro du İran Amir Hatami mawdacle du funoyo calu qatlo d’Zada athoyoyo u gıdhowe qaşyo. Hatami mawdacleste du athrayde gdımcaqıb ahayobe, u gdımsarhıb i tahrazto du nukleer. Adyawmaste u parlamento du İran mayadle dmıtwır u qyomo d’G6, u dmitazıdo 20% i kmoyutho du Uranyum dıklozım laşan u tuyobo d’foquctho du nukler.

Mxasra hreto, u gayso d’İsroyel mıdle tedbire casye u maqwele i ithuthayde cala thume du Golan u d’Lebnon, xıd tedbire msarhıbo layt funoyo dıkmıntır dhowe m’İsroyel mqabıl du qatlo du yadıcthono Zada. Bebzabno, u tboco froso d’Lebnon mawdacle da tayisyotho folhoye d’İsroyel fayiri adyawma ba thume di mditho d’Bayrut u d’Sayda, ucalu xtuto du sforyamo dkımşare mi mditho d’Sur huli mditho d’Bayrut.

Camgabıdathe, u waziro da nistixbarat d’İsroyel Eli Kohen mawdacle dlıkodıc hul ucdo manyo dıqtile Zada, elo mathkarle dkıtwe yadıcthono bu haqlo du zayno dkıtyo mnico, u britho dılo mene hawyo tawtır. Kohen makadleste d’İsroyel gdımdawmo dmınco u İran dmote lu zayno nukleer.

Mxasra hreto, u rişono di mdabronutho du gayso d’İsroyel Aviv Koxavi mawdacle d’İsroyel gdımdawmo bu haylo dıkmıtlıb dfılho mqabıl di ithutho İranoyto b’Suriya. Koxavi bi socurutho dsımle la haylawothayde dkıtne bu Golan, makadle du gayso d’Îsroyel gıdhowe qul naqla hadiro mqabıl da hjome bceldboboye dkibe dmisomi acme.