30/07/2025

İsroyel mawdacla u minyono da qtiloye me Hizballah

U gayso d’İsroyel mawdacle dıqtile 234 folhe mu gabo d’Hizballa mu zabno dmabdela i şalyuthzayno bu taymno d’Lebnon uhul ucdo. Bebzabno, u gayso İsarloyo mawdacle dsımle ba mowat d’cuqobe dıshıfle ebaye benyone tahtoye u nuqazyotho folhoye d’Hizballa, bnişo dluwela i milişyathe şkihutho folhoyto bu taymno du nahro d’Allitani, udlımitahwela mkono d’sınco zayne ud’fırso a’folhayde bu taymno d’Lebnon. 

30/07/2025

TEL AVIV, Isroyel — U gayso d’İsroyel frısle statistik cali netiçe da cuqobe folhoye dsımle calu gabo d’Hizballa mu zabno dkali u qrobo, udcabiro i şalyuthzayno la haye bu taymno d’Lebnon. 

U gayso İsarloyo mawdacle dıqtile 234 folhe mu gabo d’Hizballa, shıfle hedor d’90 dukotho dıkmitafiri menaye a’soruhe, u hedor d’20 qentrune di mdabronutho, uhul 40 benyone tahtoye du gabo, u acmaye ste hammış nuqazyotho du snoco du zayno u tloth maşıryotho da duroşe du haylo d’Alradwan dkıtyo masro cami milişya d’Hizballa. 

U malolo du gayso d’İsroyel Avixay Adırci bi maqırhonutho dıfrısle bi dafo d’X mawdacle du gayso sımle ba mowat d’cuqobe di naşfe b’gawıd d’Lebnon, laşan dımfarqıc zayne udsohıf benyone tahtoye d’Hizballa. 

Adırci mırle ste “a’cuqobani kmisomi bnişo dluwele Hizballa şkihutho folhoyto bu taymno du nahro d’Allitani, udlımitahwele mkono d’sonıc zayne ahthe, ud’forıs a’folhayde bu taymno d’Lebnon”. 

Camgabıdathe, Adırci mawdacle du gayso İsarloyo gawonoyith qtile hul ucdo bayn d’4 hul 5 alfo ma rişone u folhe d’Hizballa, u mçarahle ste hedor d’9 alfo hrene b’şıkıl dhaw fayış kibın dmıştawtıfi lu qrobo.