Jolanda Bahini qmirla muroyo du şifro b’Hollanda

ENSCHEDE, Hollanda – Jolanda Bahini, dkıtyo claymtho mu cameydan mnaqyo i şafırto di fnitho d’Overijssel d’Hollanda. İ hwarthaydan Teres Mutlu be Şabo Bahdo laqyo i Jolanda u sımla maqıblonutho acma, u mşaylola u mhanyola calu darğano d’matyo.

“Ono cımri 22 ışne no u kyıtwono b’Eneşchede b’Hollanda, u kothyono me Suriya babi me Halabyo u emi m’qamişliyo, u ono quryono dhuyono cawıto ba tayısyotho, ucdo ono mnaqyono i şafırto d’Overijssel. Fsihaytono ğalabe dımnaqyono i şafırto d’Overijssel , u hathe dawse şafırtoyo  dı qadirono mıtyala, mede basimoyo.”

Bi qamayto u rınyo d’hothiyo dımqadmono lhawxa muroyo, hiya mırlali, “qay lıg mıştawtfat lhawxa mede, bi qamayto minakafowene, elo bıthır mıftakrali tawo u mırli mcarbono hızyono mın gıdhowe u hawxa u matyono lu darğano. Ucdo mnaqyono i şafırto di fnitheydei Överaysel bıthır kımqadmono ruhi li şafirutho d’Hollanda en dı qımrono tamo bıthır gıdmıştatwtfono la muroye baynothemwothoye mqabıl da athrawotho hrene.”

“U mede dkıbcono dımono bi qamayto la neşe dmıtwakli cal Ruhaye u dilonoyith la neşe du cameydi u Suryoyo Oromoyo, dmaydi hawxa dawsat dlomigroşi inaqayo kibin motın la darğe dıgmıftakri u mhaqıqi a chılmathe wa nişe dkıtlın, u tawdi lmoryo dmatyono lu darğano.”