Josef Coun u Mahmud Cabbas matın l’awyutho dımşatsi sictho mşawtafto laşan dmitahqıbo i aykanoyutho da Maşıryotho Fleştoye b’Lebnon

BEIRUT – U rişqutno d’Lebnon Josef Coun wu baramnayde d’Fleşt Mahmud Cabbas, bıthır mi ytawto dhawilın camıhdode bi erişkoyto d’Bayrut, frıslın buyono mşawtfo lu tboco froso. Bu buyonaththe, a’tre gabe mawdaclın dmatın l’awyutho dımşatsi sictho mşawtafto Lebnonoyto Fleştoyto, laşan dmitahqıbo i aykanoyutho da maşıryotho da Fleştoye b’Lebnon, udmıflıh laşan dmişawşıti a’şartat di ciyeşe da galwoye, udmitahwe iqoro li morutho d’Lebnon, udmiqadım lfuth a’qonune Lebnonoye. 

Lfuth u buyono dıfris, a’tre rişone Coun u Cabbas mawdaclın dkıtne masre bu prensib dfoyış u zayno balhude masro cami şultonutho d’Lebnon, udmitahwe iqoro li morutho d’Lebnon xıd athro, li şaryuthayde uli hdoyutho da n’arcothayde. Bebzabno, Cabbas makadle dkıtyo b’fusqono kamilo dlımitıstacımli an’arcotho d’Lebnon xıd nuqazto dmisım emna hçome folhoye cala n’athrawotho şbobe. 

U buyono makadle ste cala n’esore di ahonutho bayn du camo Lebnonoyo u Fleştoyo, udmitaqwiyo i methcadronutho wi sdirutho baynothaye ba haqle mşahılfe. 

Camgabıdathe, Coun u Cabbas mawdaclın du maşıqlo du zayno dkıtyo larwal di şultonutho d’Lebnon tayım ucdo, dilonoyith da tre came d’Lebnon udı Fleşt hani ışme yarixe hulın tamal rabo du qrobo.