U tukoso d’HRW bı qaşyutho krıhle u teqimo da mşale du gabo Demoqratoyo da Came-HDP mi wolithathe
U tukoso da Zedqe Noşoye, bı qaşyutho krıhle u teqimo sistematik da mşale du gabo Demoqratoyo da Came-HDP mi wolithathe me celotho dlatne qrihe u trise.
U tukoso Emwothoyo m’akadle du camlano di şultonutho d’Ankara, dyoşo da zedqe du qolo du camo dıkmıştawtıf la guboye’yo.
U tukoso Emwothoyo-Human Rights Watch, dkıtyo u qentrunayde b’Amerika frısle athmıl taşroro, calu qedomo qaşyo di şultonutho d’Turkiya la gabe folitiqoye du athro-dilonoyith lu gabo Demoqratoyo da Came-HDP. Bu taşrorano HRW bı qaşyutho krıhle u teqimo sistematik da rişone da karxwotho uda mşale hrene d’HDP.
U tukoso mawdacle, d’23 mşale d’HDP ba hbuşye’ne u kınutri dmisım bethdino ma thome di asirutho di marhıbonutho uhol 32 rişone d’karxwotho midi ma wolyothathe u mahıt ğer farsufe di şultonutho bıdukthaye. Ba msokani, kımnasyo i şultonutho dı dayşo i netiçe da guboye da 2019-bıthır mıd HDP mıdwola 96 karxwotho du tayman madınho d’Turkiya.
U rişono du tukosano cal Urifi u Asia i mescoyto Hugh Williamson mırle; U teqimo da mşale, a msoke wa bethdino dıkmisomi cala folitiqore Kurdoye dıkmıthomi bi marhıbonutho, layto ayya ithbate dsımlın hawbe wi şultonutho kubco bu şıkılano dı quşyo a folitiqore saqıbloye kulle.
Williamson mırle’ste; U qedomano d’Turkiya, latle asirutho cam tedbir mqabıl di marhıbonutho, elo dyoşo du zedqo du qolo d’1.8 milyone dıbnaynoşo’yo dımnaqelın a folitiqorani dmathlınne. Bu zabno du qayto kalın’wo ışmo a msokani, elo bıthır mıd Turkiya mabdewola hçome cal Suriya, naqla hreto mdawamla ba msokani. Mu zabno du inqilab dımnasewo dmisım ba 2016, mıdla Ankara 94 karxwotho dkıtwın du gabo d’HDP.