Kımdawım u cameydan docır la boteyde di daşto d’Ninwe

80 yaqrotho mu camaydan dkıtwın galwoye bu qlimo d’Kurdistan du Iraq, daciri ucdo la botathe bi qastra dı Telkepe di daşto d’Ninwe.

 Camgabıdathe, ha ma kohne du camaydan d’Ninwe mawdacle da haye mşarelın dfıqhi ba fenyotho Mşihoye bi daşto d’Ninwe, u tlıble dmıfrış u camaydan mu qrobo dkito bayn da mathhabe du Iraq.

 U qaymaqam d’Telkepe di daşto d’Ninwe Basım Yacqub Bıllo bi maqırhonutho dhule li dafo d’İQNEWS, mawdacle d’80 yaqrotho mu camaydan dkıtwın galwoye bu qlimo d’Kurdistan daciri la botathe b’Telkepe, u mırle; A yaqrothani ba yawme dşaficina daciri l’Telkepe bıthır mıdsim u hethotho da botathe, u dmadcıro i mşablonutho kenşoyto la fenyothathe, udmarkıwo i mşaynutho bi qastra d’Telkepe.

Camgabıdathe, qaşişo Ninos Antuwan bi maqırhonutho dhule mawdacle da Mşihoye mşarelın ışmo ışmo dıdıcri l’Telkepe, u magleleste d’hedor 500 yaqrotho mu camaydan daciri bu zabno di şatathe la fenyothathe bi daşto d’Ninwe. Elo bebzabno, qaşişo Ninos mathkarle da Mşihoye kımdawmo i goluthathe mu Iraq, u grışle u zuhoro cal ğalabe yaqrotho mu camaydan dımgalwelın mi daşto d’Ninwe l’larwal du Iraq, bnişo dımqafın duktho mşayantır u dactid tawtır la nacimathe.

Camgabıdathe, qaşişo Ninos dımakadle da haye mşarelın dfıqhi ba fenyotho du camaydan di daşto, mahweleste sabro dmiqadım mşablonutho la Mşihoye dıdaciri li daşto u dmıfroşi mu qrobo siyasi dkito bayn da mathabe tawdithoye.

Mxasra hreto, Thaira Sliwa dkıtyo athto mu camaydan dıdaciro l’Telkepe, bi maqırhonutho mırla “A haye mşarelın dıdıcri li daşto d’Ninwe ula fenyotho da Mşihoye. Ahna i malho di yarcona u camo şerşoyo di dukthona. Şafcina bı qrobe u b’gedşe mşahılfe, elo naqla hreto fayşina cali rağlo cal dahna mdinoyuthona, wi golutho latyo şroyo. U athraydan şafiroyo u kibe yuhbotho d’Aloho, u lıgıdtorina u cafro dan abohothaydan. Sliwa makadlaste d’mowat mu camaydan daciri l’Telkepe, u sim u hethotho da bote u citotho wa haye kımdawmi bi daşto d’Ninwe.