Kmisım kmapanya da imdat mqabıl du rişono du parlamento d’Tunıs

U Blok du gabo Nomusoyo Hiro d’Tunıs dıkmirayşın me Abeer Moussa, mabdele kampanya da imdat mqabıl du rişono du parlamento du athro.

 U nişo di kampanyathe da imdat, leşan dmiqadım rmoyto dmimodo i hasinutho d’Raşid Ğannouçi dkıtyo bebzabno u rişono du zawho d’Ennahda da Ahunone Maşılmone b’Tunıs.

İ hfıto Abeer Moussa dkıtyo i rişonitho du Blok du gabo Momusoyo Hiro d’Tunıs bıdela dmalimo imdat ma folitiqore u qoyume hrene, bnişo dmalimo snodo leşan rmoyto mqabıl du rişono du zawco dan Ahunone Maşılmone-Raşid Ğannuçi-dkıtyo bebzabno u rişono du parlamento d’Tunıs.

Moussa kımnasyo dmaydo snodo kamilo, leşan dmitaqimo i hasinutho d’Ğannuçi- dkıtyo qariwo lu rişqutno d’Turkiya Recep Tayyıb Erdoğan. Bi maqırhonuthathe Moussa mırla;Ğannouçi mdawamle dnofıq mqabıl du knuşyo, dmaqım u dawro du rişono du parlamento udu sebyono du parlamento ubu hboso ubi zorriye dmafıt a fusqone la haye-hano dyoşo da qonune du athro’yo.

Moussa mırlaste; Hano gzomo mqabıl da şutose du athro ubı şıkıl ftiho kobıc dmadre i qonunoyutho dkito bu athro u dobe mkone lu tecbiro dğer tahrazyotho folitiqoye dcubri lu parlamento. Ğannouci fayış kımşakıl qento jıddi li mşaynutho athronoyto u calathe klozım dmimıd mi wolithayde. Tunıs klozamle ucdo siyase qwitho leşan i mşaynutho wi şalyutho du athro.