Lavrov mawdacle Amerika kmıstacmılo u Virus di Corona laşan dımbeyno u sistem hatho

Rusya mawdacla d’Amerika kmıstacımlo u kriz du virus d’Corona, laşan dhiya dımbayno i hzayto dkıtla calu sistem hatho tibeloyo.

U waziro di baroyutho d’Rusya Sergey Lavrov, mawdacle di mdabronutho d’Waşington wa noqufayda lıkmatırki anesyunaththe dıkmıstacımli i ayknoyutho ducdo du virus d’Corona, laşan dsaymi i kampanya di hzayto dkıtlın lu sistem hatho dıbritho, callathe Lavrov mawdacle du medano kmaqşe i dalqıbloyutho wu nfoqo mqabıl du hreno.

Lavrov bu mamlo dsımle bu knuşyo da wazire di baroyutho da nathrawotho hadome bu tukoso d’Şengehay di methcadronutho mırle “klozım dımmina, hatta bu maşıqlano d’Corona, an’Amerikoye wa noqufaththe kımdawmi dmaqşın i dalqıbloyutho, ukmıstacımli i aykanoyutho ducdo, laşan dhınne dımbayni i hzaytaththe lafu sistem hatho dıbritho dkımmi acle u sistem dkıtyo banyo calu gramatiqi. Wu gramatiqano xıd kıdcitu hınnene dkımbaynile”.