Lfuth Alan Makovsky, Amerika lıknufqo me Suriya mi celtho da hçome du İran

İ dafo d’North Press sımla maqıblonutho camu mathlono catiqo di Sictho da esore baroye du Mawtbo tahtoyo d’Amerika Alan Makovsky u adyawma frısla u tebayde. Bu mamlayde Makovsky mawdacle, da hçomani da noqufe du İran cala nuqazyothathe b’Suriya, lıkçubri a hayle folhoye d’Amerika dmıgroşi me Suriya

U mşalo Amerikoyo mırle; Casqo’yo ucdo, dudcina u tathir dgıtorın a hçomani da noqufe du İran bu dactith. Elo ucdo, lıkowın a hçomani celtho dnufqina me Suriya wu Amerika’ste lo kubco dmıhzoyo, dıkmitawfıqo me tamo ma İranoye. U camo kobıc dhoze d’Amerika kobo funoyo qaşyo u lıkobıc dhoze u groşayda me tamo.

Makovsky mahkele’ste calu ağono mqabıl d’Dacış u mırle; Walaw maqım u qento rabo d’Dacış, elo u tukoso heş tahdid’yo wa hayle d’QASAD kıtte sniqutho l’snodo bu ağono mqabıl dide. Elo en u dawro da qutnuthoye dzoyıd udu camo dmahıt klayto-b’aykanoyutho dhowe hçomo rabo cala Amerikoye, kito gado dhowe şuhlofo bi klaytathe.

Bebzabno u mşalo m’akadle, d’Amerika lıkfayşo hol colam b’Suriya, elo ucdo’ste layto ntırto dmıgroşi a folhe mu athro. Makovsky grışle u zuhoro cali rmoyto dımqadamwole u qutnuthoyo Rang Paul wi netiçe du quwolo dhawiwo acla mırle; Bu quwolano dsımwo 8 bu yarhano, 84 hadome du Senato rfıdwolın u groşo da folhe Amerikoye me Suriya u belhude 13 m’aydowalın. U hathe klayto qrıhto’yo mqabıl du nfoqo da folhaydan me Suriya.