Mabde hamle mqabıl da marhıbone d’Dacış bu Iraq

U gayso Iraqoyo cami awyutho da haylawotho du koalisyon Emwothoyo, mabdelın i hamle da tarte, mqabıl da marhıbone d’Dacış bi mtaybonutho du rişwazire du Iraq Mustafa Alkademi.

 I hamlathe mşarela me Kerxeslox, gıdmdawmo beyn da thume d’Sallahaddin u d’Kerxeslox.

Bıthır mıd u rişwazire du Iraq Mustafa Alkademi dımnaqewo rişwazire lu athro mırwole; Gıdmabdena umaşıqlo trayono du ağuno mqabıl da marhıbone d’Dacış u gdımdawmina hol dmanşıfina a waridathe bu athreydan.

 Adyawma ba şoce d’safrayto, u rişwazire mati l’Kerxeslox leşan dmabdın u maşıqlano bi awyutho dcama haylawotho du koalisyon Emwothoyo dkıtyo bi rişonutho d’Amerika. U maşıqlano du ağuno mqabıl da marhıbone dkıtyo u trayono, gdımdawım beyn da thume di mdito uda thume d’Sallahaddin.

 U tbocofroso du Iraq huwle u tebano cama surotho du rişwazire dkıtyo beyn folhe Iraqoye, dmabdelın u qrobano da cuqobe da tayosyotho du athro udu koalisyon Emwothoyo.