Mabde ubnoyo di madraşto d’Meltho b’Caynkawa bu Iraq

Mabdın a’fulhone du bnoyo d’madraşto dilonoyto di cito Suryoyto Ortodoksoyto bu Iraq.

 İ madraştathe dmahıt ışma Meltho, kmisım u bnoyayda bi mditho d’Caynkawa.

 Yawme dıtre dşaficina, mşarelın a’fulhone di tarmitho du bnoyo di madraşto d’Meltho di cito Suryoyto Ortodoksoyto bu garbiyo du Iraq.

İ madraştathe kmisomi a’fulhone du bnoyayda bi mditho d’Caynkawa dıkhoye ebe menyono celoyo ma Suryoye dımgalwelın mi daşto d’Ninwe bıthır mu kboşayda ma grube marıhbone dı Dacış.

Athmılste u rişono di marcitho d’Mawsal udhedora hasyo Mor Niqodimos Dawud Matti Şaraf, sımle socurutho li duktho di tarmitho, bnişo dkole cali aykanoyutho da fulhone qadmoye du bnoyo di madraşto Suryoyto d’Meltho.

Camu hasyo kıtwoste u izgado d’Hingarya b’Arbil Istvan Emri wu mcadronayde

Miklos Szabo dmıdlın hınneste mawdconutho cala fulhone du bnoyo di madraşto.

Camgabıdathe, hasyo Dawud Matti Şaraf maqımle teşmışto u mbaraxle a fulhone qamoye du şetoso di madraşto Suryoyto d’Meltho.