Maqbil u plan d’İsroyel dmafito u Xtuto d’Ğaza kule lu duyoqayda
İ şultonutho zabnoyto dıkmdabro ucdo İsroyel bu zabno du qrobo mawdacla, dımaqbela u plan dmafito u Xtuto d’Ğaza kule lu duyoqayda. Lfuth u makthbo du rişwazire Benyamen Netanyahu’ste, u gayso bıdele dsoyım i hedriyayde. Elo mqabıl di tahraztathe d’İsroyel, Emwotho Mhaydotho uğer athrawotho frişe dbritho mahwelın hfuxyo u tlıbbe me Tel Aviv, dlo mtabqo u planano.
URISHLEM — İ şultonutho di mşaynutho d’İsroyel, bıthır 10 şoce d’droşo maqbela bi harayto u plan, du gayso du athro dmoyıd u kontroll du Xtuto d’Ğaza ubu tarano’ste, a hayle folhoye gıdmtaybi ruhaye bi sbuthathe. Lfuth İsroyel’ste, klozım ucdo dmisım şuhlofo bi mdabronutho d’Ğaza-awkith, klozım ğer gabo mdinoyo-jğer me Hamas aw ğer şutoso Fleştoyo, dsoyım i mdabronuthathe leşan dmıhthım u qrobo.
Camathe’ste Hamas klozım dmaslım u zaynayde u dmarfe a yasire kulle. Bıgawe du zabno du qrobano dımdawamle beyn İsroyel u Hamas, mıdla Tel Aviv hol 75 ba mo d’Ğaza wa 25 ba mo dfayişi, a dukotho dkıtne qariwe lu sforyamo, Deir al Balah u al Mawasi dkibın hol 2 milyone dıbnaynoşo.
U fusqonano d’Tel Aviv kmifaşıq ğalabe qaşyo u lfuth a qonune Emwothoye, klozım inaqlayo İsroyel dmaydo’ste mşalutho calu haqlo du yulfono, du hulmono, du muklo u maye uğer sniqwotho ulsoye dıklozamlın a comure. Calathe’ste Emwotho Mhaydotho mawdacla ilo thnihuthayda calu qento di golutho uda taxtuşe dkibın dqoşın.
U rişwazire d’Britania Keir Starmer, sımle qroyto l’Netanyahu dmıftakır towo meqım dsoyım harake bi sbuthathe wu Australia’ste mzaharla calu qento noşoyo dkibe dhowe. Cali aykanoyuthathe, ban mowat d’İsarloye kfixi athmıl la zabuqone u tlıble mi şultonutho dmaklıyo u qrobano udu zawco marhıbono d’Hamas’ste dmarfe a yasire kulle.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
