Marfın claymotho yolufe dıhtifiwo b’Nigeria

A ğrobe mzayne d’Nigeria, marfelın ba mowat ma yolufyotho dıhtifiwo ma madraşyothathe b’Zamgara d’Nigeria meqım kmo yawme.

 İ mawdconuthathe, hiwo mu hiğmono Bello Matawalle. U htofano da claymotho, hawiwo da 3 bıgawe d’zabno d’9 yawme.

Lfuth i egartho dfrısle u hiğmono d’Zamfara d’Nigeria athmıl, a claymotho dhtifiwo ma madraşyothathe yawme d’Cruto d’şafıcina, marfın hire. Bi egarthathe dfriso bi dafo du Twitter, kımahwın’ste a claymotho malwışe hijab dıkmınqoli ba base nacime l’maktho di şultonutho.

Bu şuroyo mawdacwo d’317 claymotho b’cımre frişe htifiwo me ba mowat d’farsufe msalhe, elo u hiğmono m’akadle du mınyonano 279 claymotho’we. Bıthır mıd a mşale di şultonutho hawilın esore cama hatofe dtlıbwolın dmitarfın a hawronathe.

U htofano u haroyo da yolufyotho, hawi da 3 bıgawe d’zabno d’9 yawme u calathe i şultonutho’ste mazıdwola ba eşne haroyani a fulhone wa tedbirayda mqabıl da htofani dıkmisomi-ya mqabıl d’zuze, yaste lu terfiyo da hawronathe dkıtne ba hbuşye.

Ğalabe ma claymothani’ste kmitafiti b’teşniqe, teçawuze u cnufyo qaşyo wu ğrob marhıbono d’Buko Haram’ste, mıstacmalwolın la furqoce qtolnafşoye. Mawdıc

beyn di şato da 2016 uhola 2020, huwla i şultonutho hol 11 milyone dolare la hatofe.