Masrıh 11 afıdyaqne u 17 qoruye di qritho d’Mıdın
U hasyo di marcitho d’Turabdin di cito Suryoyto Orthodoksoyto Mor Timotheos Samuel Aktaş cam mınyono d’kohne du qlimo, mrayşanlın athmıl i slutho dsimo bi cito d’Mor Yahkub bi qritho d’Mıdın b’Turabdin. Bu zawhano u ruhonoyo dsim bu şahro du qadişo Mor Yahkub, masrıh’ste 11 afıdyaqne u 17 qoruye di qritho d’Mıdın leşan i mşablonutho da Qurobe Alohoye dıkmisomi bi cito.
MIDIN, Tur Abdin — Lfuth i mawdconutho dmatilan me Abuna qaşişo Şamcun Uçar u mkahnono di cito d’Mor Yahkub bi qritho d’Midın b’Turabdin, u metrofolito du qlimo udi dayro d’Mor Gabriel i mcalyutho du hasyo Mor Timotheos Samual Aktaş hadır athmıl u duxrono du qadişo Mor Yahkub da Sruğ dsim bi cito di qritho, dkıtyo cal ışme du qadişo.
İ mcalyutho du hasyo mrayşanle u Qurobo Alohoyo dsim bi mıştawtıfonutho d’mınyono d’kohne dhadiri me dukotho frişe d’Turabdin. Li sluthathe hadır Abuna dayroyo Doniel me Salıh, Xuroyo Gabriel Aktaş mi qritho d’Bethqustan, Abuna qaşişo İshok me Mıdyad, Abuna qaşişo Saliba me Bsorino, u acmaye mınyono celoyo d’camo dhadır bu yawmano u mbarxo.
Bıthır mi slutho’ste mtayıb zawho ruhonoyo dilonoyo bu zabno di mcalyutho du hasyo wa kohne d’acme masrahlın 11 afıdyaqne u 17 qoruye d’Mıdın. Bıthır mi masırhonutho’ste, u hasyo, a kohne, a şamoşe wu camo dhadır şafici lu salon di qritho u axilın muklo camhıdode wu hasyo mqalasle u tacbo dhiw u kali calu dawro da şamoşe dkobın haylo u ruho hathto li cito.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
