17/08/2020

Masrıh hasyo l’Ureşlem li cito Suryoyto Qatholikeyto

Masrıh hasyo hatho li cito d’Antiyuxiya u dkule madınho da Suryoye Qatholiqoye.

Xuroyo Afram Sımcan bu syomido di qadişutho du fatıryarxo Mor İğnatiyos Yusıf Tlithoyo Yunan, masrıh hasyo hatho li marcitho d’Urışlem, da narcotho mqadşe d’Yurdnon di cito Suryoyto Qatholiqoyto.

I qadişutho du fatıryarxo di cito Suryoyto Qatholiqoyto Mor İğnatiyos Yusıf Tlithoyo Yunan, lumıhreno casriye mrayşanle u qurobo alohoyo dımtayıb calu mathıbho di cito d’Yuldath Aloho d’Sayıdıt Albişara bi mditho d’Bayrut.

Bu qerowano u b’zawho ruhonoyo rabo, fatıryarxo Yunan masrahle xuroyo Afram Antuwan Sımcan hasyo efetrufo fatıryarxoyo li marcitho d’Urışlem, da narcotho mqadşe u d’Yurdnon bu ışmo Yacqub Afram Sımcan dkıtleste bebzabno i wolitho dımdabrono fatıryarxoyo li marcitho d’Alqahira uli efetrofutho fatıryarxoyto du Sudan.

Li masırhonuthathe, mıştawtafle hsayo u kohne mathlone da citotho mşahılfotho du camaydan d’Lebnon, cami iqartho wa qaribe du hasyo hatho.

Hasyo Mor Yacqub Afram Sımcan mawlıd bi mditho d’Bayrut i şato da na’1980. Masrıh kohno i şato da 2006, u mıdle woliyotho mşahılfe, baynothaye notarrozo di fatıryarxutho, hadomo bi sictho fatıryarxoyto di litorjya u mşalo du sanduqo da waqfat di fatıryarxutho.

Camgabıdathe, hasyo Yacqub Sımcan hawi mcadrono du efetrufo fatıryarxoyo dmeqım da n’arcotho mqadşe hasyo Mor Ğriğoryos Bıtrıs Malke.

Hasyo Mor Yacqub Afram Sımcan kmıçğıl tlotho leşono Suryoyo, Cıbroyo, Caraboyo u Franşoyo.