Osyo George Göksu hule mawdconutho calu kewo di Corona

Osyo George Göksu yawme dhuşabo sımle socurutho la 3 citawotho du cameydan dkıtne bi mditho d’Hamburg d’Almanya hule mawdconutho calu kewo di Corona u mfaraqle maskat u darmone lu camo.

 U osyo bi mawdconutho dhule kali ğalabe cal tadbire dmisomi u dmitanıhtı la haye.

Osyo George dıkhoye bi mditho d’Hamburg yawme dhuşabo sımle socurwotho la 3 citawothe du cameydan dkıtne cayıd di cito Suryoyto Ortodoksoyto u mahkele calu kewo di Corona.

Göksu bu mamleyde kali cala tadbire dkıtne ulsoye dkuleyna manıhtinalın la haye.

Be bzabno dhule mawdconutho mfaraqle maskat u darmone lu camo dkıtwe hadiro laşan dmıstacmli a maskat bu zabno dıgnıfqi larwal.

Bıthır mi mawdconutho dhule u osyo bi sbutho du kewo di Corona u camoste hawile mkone dımşayıl a şuwole dkıtweyne bmehe.