Mbayın hasyo hatho mi cito Kaldoyto l’Urifi
U Vatikan maqbele u talab di sunados mqadaşto di cito Kaldoyto dmibayın hasyo Habib Hırmız mathlono şlihoyo hatho li cito Kaldoyto b’Urifi. Hasyo Habib dıfrısle menyono d’kthowe u mimaryotho, u rişono di marcitho d’Albasra udu taymno du Ciraq yo.
VATIKAN – I qadişutho du papa du Vatikan Mor Leo da na’14, lfuth u talab dhawiwola i sunados mqadaşto di cito Kaldoyto dıqtirowa bu yarho dı Tamız bi şato da 2024, mbayanle u hasyo Habib Hırmız mathlono şlihoyo hatho la marciyotho di cito Kaldoyto b’Urifi kula mdarbıd du hasyo Sacıd Sirob. Hasyo Habib gdımdawım ste bi rocyutho di marcitho d’Albasra du taymno du Ciraq.
Hasyo Habib mawlid bi qritho d’Baqufa bi şato da na’1960. Hrıgle bi bethsawbo d’Mawsal u ferco da yulfone du jiyoloji, u qayıthle sohdutho d’Majıster bi şato da na’1989.
Hasyo Habib qrele bi bethsawbo d’Bobıl di thiyoloğiya, ubi şato da na’1998 masrıh kohno. Sımle mşablonutho li marcitho d’Mor Gorgis bi fnitho d’Boğdod i hathto, ubıthır mathe bi şato da 2004 nqılwo lu athro d’Britania laşan dsoyım mşablonutho di marcitho tamo.
Hasyo Habib dıfrısle mimaryotho u menyono d’kthowe, mnaqewo bi şato da 2014 hasyo li marcitho d’Albasra udu taymno du Ciraq, ubu yarho d’Konun u Qadmoyo b’cayni şato masrahwo lu darğo di hasyutho.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
