U Slibo Suryoyo u Şlomo kımdawmi bi mcadronutho la dukotho du zulzolo
Larwal mu feroqo da mcadronwotho yawmoye da sniqoye kımdawmi bu tecmiro da bote zabnonoye la yaqrotho dfayişi dlo bote.
A şutose di mcadronutho u Slibo Suryoyo u Şlomo camu Federasyon da Hudre Suryoye b’Turkiya SUDEF yawme d’huşabo naqa hreto mawbelın mcadronutho du muklo, mlue du tendifo u dweşık la mşihoye dkıtne ba fınyono d’Antakya; Swediye Samandağ, İskenderun, Arsuz u ğer dukotho.
Camgabıdathe hdo ma tarmyotho dilonoye dkıtlın u Slibo Suryoyo wu Şlomo dqudri mqafın mkone du fyoşo la yaqrotho dı shifi a botathe bu zulzoloyo.
Bi sbuthathe mabdelın tecmiro d’bote zabnoye da yaqrotho dqudri fayşi bınne u dwelın duktho du dmoxo.
Bıthır mıd ba yawmotho dşafıcina dmacmarwolın bayto lhın yaqrotho; ucdo mkamelın bayto hreno lı tarte yaqrotho dkibin fayşi buwe.
A botani kmitacmıri ba ganotho aw ba dorotho dkıtlın a yaqrotho dı shifi a botathe. I tarmithathe mıstaqblo ma yaqrotho dlatlın bote bı fsihuho rabtho laşan dqudri fayşi ba botathe.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
