11/04/2022

Mcafe qaşişo Mette Eksen bi qritho d’Hasana, lu cufoyo hadiri qoyume u malfone du camaydan

U kohno di citeydan i protestanoyto qaşişo Matte Eksen mcafe bi qritheyde dmawladwo eba bi şato da 1933 cali bocutho dkıtwole. Abuna Qaşişo Mette dımhasewo bu athro d’Belcika 5 bu yarhano d’Nison masrahwo kohno li cito d’Bethil dkıtwa bi qritheyde Kösrali d’Hasana bi şato da 1958.

11/04/2022

HASANA, Beth Nahrin – U mnohnafşo d’Qaşişo Mette Eksen mawladwo bi qritho d’Kösrali bi şato da 1933 masrahwo kohno li cito di qritho bi şato da 1958, u bi şato da 1991 kmicbır li golutho xıd ğalabe mu cameydan u kroku bu athro d’Hollanda.

Yawme dhuşabo 5 bu yarhano d’Nisin kminqıl ma hayani b’Sobutho thnıhto u 10 bu yarho kmicafe bi qritho d’mawlıd eba xdi bocutho dhawiwole bi mtaybonutho du camo dhadırwo ma qıryawotho u mdinotho di fnitho.

Lu cufoyano du mnohnafşo baynotahye u qoyumo du cameydan bu parlemento d”Turkiya Tuma Çelik u qoyumo du cameydan dmeqım Erol Dora, Malfono Yawsef Begtaş mgabye dı qıryawotho u camo dathi ma dmdinotho difnitho u da qıryawotho hadiriwa laşan dımcafınle bi qritheyde drohamwola sagi.

Bu zabno du cufoyeyde u  qoyumo du cameydan dmeqım bu parlemento d’Turkiya Erol Dora sımle mamlo cala haye du mnohnafşo, bu mamleyde Dora mırle Qaşişo Mete kıtwole hzayto modern dlo sımwo furşono di noşutho.

Bıthır mu mamlo du qoyumo u malfono Yawsef Begtaş mqadamle mamlo dmahkele cali klayto tawto dkıtwole u mnohnafş.

U mnohnafşo d’Qaşişo Mette Eksen idicowe bi mcadronutheyde dli noşutho u be bzabno rahomo du cameyde u duathreydwe, u hathe mdawomwele  ba hahyeyde kule. Bu cufoyeyde dsımwo bi qritheyde  ba mamle dsimi kule mahke cali klayto dkıtwole u mnohnafşo ba hayeyde dkıtwa klayto doronoyto u bi iqoro li noşutho.

U tboco froso qlimoyo kthule calu cufoyo du mnohnafşo wa hızwone du cufoyo midilan me İzla tv dkıtwe hadiro bu cufoyano.

Cal ışme di mdabronutho d’SyriacPress kımqadmina a buyoyedan li cito Protestanoyto u dilonoyithli iqartho du mnohnafşo u kımmina aloho mhasele.