AMSTERDAM: A Suryoye mahkın bturgomo dsim bu Huyodo da Falohe dathın me Turkiya
U Huyodo da falohe dathın me Turkiye l’Hollanda (HİTB) bu turgomo dımhadarle, frıshle yawmo dilonoyo la hadomeyde cala Suryoye. A muklone, i musiqi, u makthazabno wi mardutho da Suryoye, mahkın me Malfonitho Nurgül Çelebi la hadire.
AMSTERDAM – U Huyodo da falohe dathın me Turkiya l’Hollanda (Hollanda Türkiyeli İşçiler Birliği – HİTB) mhadarwole yawme bi sbathathe turgomo bu benyoneyde. U turgomo dımhadarle, i sbutheyde a Suryoye wa.
Leshan u turgomano macezmowa Malfonitho Nurgül Çelebi dsımla doktora u lisans celoyo calu leşono wi marduthoyo Suryoyto wu makthabzabno wi mdinoyutho d’Bethnahrin.
Hol 30 farsufe dhadiri bu turgomano dsim u futoheyde mu mdabrono d’HTİB Mustafa Ayrancı, shomuce me came mshahılfe xıd Tırkoye, Armnoye, Kurdoye u Suryoye.
Bu yawmano, mhadarwo muklone du bethbusholo Suryoyo, musiqi Suryoyto umenkul frus tehkiyo calu makthazabno wi mardutho da Suryoye.
Çelebi dmahwelastene surotho u istatistike cala Suryoye dadyawma ubu makthabzabno, grıshla uzuhoro calu Sayfo mayiro dan 1915 wu taathir dide. Wıthkırla, dhiyyastene i qashteyda dkıtyo ma debhe du Sayfano ubarbroyo.
A hadire hawiwolın mkonostene dhowelın mamlo usuwodo camıhdode.
Bu turgomo ftıhwo shtand da kthowe dcala Suryoye udi malfonitho Nurgül dımdela la hadire.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
