Meqım Liçe duktho da Armınoyewa

Bi maqıblonutho dsimo cam ha ma comure u more d’sınca b’Liçe, mahwele di dukthathe meqım d’Armnoyewa.

 Aziz Sapan bu mamleyde komır, A malfone da şuğlone wa ustawin kulle Armnoyewın wu onoste u yulfoneydi meneye mıdli.

 Hul lu zabno du Sayfo di şato da 1915 kıtwo 65 850 armnoye bi fnitho d’Omid, a armnoye wa mşihoye hrene lo belhude bu qentrun d’Omid cımriwo elo ba mdinotho u qastrat u qıryawotho wene. Hıdo ma qastratani i qastra d’Lice wa qıryawotheyda dkıtwo eba 24 citawotho u hıdo dayro, u hoyewo 5980 Armınoye.

Bi maqıblonutho dsimo cam  ha ma yolufe di sınca da Armınoye komır harke duktho d’Armnoyewa a more da şuğlone u yawlife hıneweyne, onoste qum idothaye yalıfno sınca dkıtli. Bu zoyudo da armnoye hayote, haşole, sayome du lahmo, hadode u ğeyr, elo bıthır mu sayfo mşarelın dnıfqi ma dukothani mi majburiye.

Aziz Sapan dkıtyo bcımro d’70 hadodo ksoyım makinat di akorutho.  Bu mamleyde komır a dukothani da armnoyeweyne u hıneweyne more da şuğlone wa yalife elo bıthır mu Sayfo mşarelın dımaxlın a dukothani u ucdo lıfayış noşe mane.

Sapan bu mamleyde komır ono cwıdli qum idothe d’ğalabe mane i iqartho d’be Mardo, dıkro Peno Fahri u hrene ucdoste kıtli esore basime cam hın mane dınafiqi marke. Naqqa hreto mahwele aydarbo u qtolğenso du sayfo matharle cala haye da mşihoye dı naqisi ma dukothani.