MFS mcayadle u cedo du qurbono da maşılmone

U Mawtbo Folhoyo Suryoyo-MFS, mcayadle a Maşılmone dıbritho u dilonoyith d’Suriya, bu cedathe du Qurbono.

 U Mawtbo Folhoyo Suryoyo-MFS, ha ma hayle mşatsone da Haylawotho d’Suriya Demoqratoytoyo u kıtle bebzabno mharbone caraboye ba gbine frişe du qrobo bu garbyo u bu madınho d’Suriya.

Bi cohnutho du cedo du qurbono da Maşılmone, frısle MFS egartho bi dafayde du Twitter u mcayadle a Maşılmone dıbritho u dilonoyith d’Suriya, bu cedathe.

Bi egarthathe MFS, mcayadleste a yaqrotho da mharbonayde a sohde, dı dbıhlın nafşaye bu ağuno di hirutho du camaydan u du tlobo da zedqayde b’Suriya.