U qentrun da Buhone d’Britania mawdacle uqdomo qaşyo d’Erdoğan qentoyo lu NATO

U qentrun Britanoyo dcalu yulfono di mşaynutho, grışle u zuhoro cali siyase dıkmaşe u rişqutno d’Turkiya Recep Tayip Erdoğan.

 U qentrun Britanoyo mawdacle, du qedomo qaşyo d’Erdoğan qentoyo lu huyodo du NATO, dgımıjbır dtocın i mşalutho da qetre dıkxulqo Turkiya.

U qentrun Britanoyo dcalu yulfono di mşaynutho frısle maqırhonutho cali siyase dıkmaşyo i şultonutho d’Turkiya bu maşıqlano u mawdacle, du qedomo qaşyo

du rişqutno Recep Tayip Erdoğan, fayış kımşakıl qento lu huyodo du NATO.U qentrun mawdacle, d’Fransa hawila fsoqsabro rabo me Turkiya bıthır mi mwatyutho dhawyo cam Ankara, u bi sbuthathe lıkfayşo Paris şlitho.

U qentrun makadle du gedşo dhawi beyn da sfinotho d’Turkiya u Fransa bu yawmo qariwo l’Libya bu yarho d’Hziron kıtle ulsoyutho rabtho. Wu gedşanoste, provokasyon da sfinotho d’Turkiyawe u hano kımadıl cali fliğutho stratejikoyto dkito beyn dan athrawotho hadome du NATO.

U qentrun mawdacleste, d’Turkiya dkımşadro marhıbone fanatik kımathlo i sırto d’Ankara u hano qento di mşaynutho la yuthrone du NATO’yo. Camatheste Turkiya kubco d’zawno u sistem da soruhe d’S-400 me Rusya u kımkarıro a gzomayda du futoho da thume la galwoye lo qonunoye dcubri lan athrawotho d’Urifi.

Beyn da şwolani dıkxulqo Turkiya, kitoste u kroxo dcalu nafto u ğaz bu yamo Mescoyo. Bi maqırhonuthathe u qentrun Britanoyo kmawdıc, du NATO bu qentoyo en dımdawım dımdafıc a provokasyonani d’Turkiya u gıdmıjbır dtocın i mşalutho da qetrani dıkxulqo Turkiya.