Mınyono mu camo d’Camuda sımlın protesto i şalyutho d’Rusya mqabıl da hçome dıksaymo Turkiya

Mınyono ma comure d’Camuda du garbay madınho d’Suriya, sımlın protesto i şalyutho d’Rusya mqabıl da hçome dıksaymi a hayle kaboşe d’Turkiya wa noqufathe calu qlimo.

A mtagliyone layimi qum du qentrun d’Rusya dkıtyo b’Camuda u tlıble mena, dsaymo hboso cal Turkiya bnişo dmaklıyo a hçomayda b’Suriya.

A came du garbyo udu madınho d’Suriya, kımdawmi dmahwın u hfuxyathe mqabıl da hçome uda hawbe dıksaymi a hayle kaboşe d’Turkiya calu qlimo. Calathe athmıl mtayable u camo wa gabe folitiqoye d’Camuda taklitho qum du qentrun da hayle Rusoye dkıtyo bi mdito.

Bi taklithathe, a mıştawtıfone bı qaşyutho krıhlın i şalyutho d’Rusya mqabıl da hçome da hayle kaboşe d’Turkiya uda marhıbonathe cala fenyotho du garbyo udu madınho d’Suriya u mırlın; Hol d’Rusya kıfayşo şlitho, gıdmdawmi a hçome wa hawbani dıksaymo Turkiya cala dukothaydan.

U camo mawdacle’ste, d’Rusya ha man athrawotho dıksoyım u garanti du qyomo di şalyuthzayno’yo ubi sbuthathe mde qyomo cam Turkiya, elo naqla hreto kımşadro Ankara folhe lu qlimo u kımdawmo a hçomayda cala comure.

Bebzabno a hadire dtcınlın bidothaye luhyotho dıkrih ebeye a hçome dıksaymo Turkiya cala mşale da Haylawotho d’Suriya Demoqratoyto, bnişo dmahrıwo i mşaynutho wi şalyutho du qlimo kule. A mtakliyone mawdaclın, d’Rusya kıtucno i mşalutho da gzome, da gunhe uda hçomani dıksaymo Turkiya, cal dkull naqla kıfayşo şlitho mqabıl d’Ankara.