Mişel Caun grışle u zuhoro cal lıqrobo gawoyo b’Lebnon

U rişqutno d’Lebnon Mişel Cawın bi maqırhonutho dhule bi sbutho du athro, mzaharle cal qrobo gawoyo dkibe dhowe naqla hreto b’Lebnon.

 U rişqutno sımle u mamlano bu zabno du knuşyo di mşaynutho dıczımwo ele.

 Hani zabno yarixo b’Lebnon kımdawım u jğuşyo ba maqırhonwotho dıkmisomi, u bebzano a hayle baroyeste dkıtlın asirutho camu athro kısaymo qreyotho dıklozım a hayle d’Hizballah dılo torın tathir cali siyase du athro. Bu knuşyo di mşaynutho dıczımwo ele u rişqutno Mişel Cawın sımle mamlo cali aykanoyutho haruwto du athro u mırle; Camgabe da jğuşye dkowe, u momuno du athroste nahıt lu darğo tahtoyo dfayış u camo lıkmtahmele.

Bi maqırhonutho dsımle Cawın grışle u zuhoro dkibe dhowe  qrobo gawoyo bu athro d’Lebnon xıd hawiwo meqım ba 80’yat. Bu qrobo gawoyo dhawiwo beyn da Maşılmone uda Mşihoye, ban alfayo dıbnaynoşo qtiliwo u bebzabno zıttır me alfo man abne du cameydan u Suryoye hawınwo sohde leşan i hirutho d’Lebnon.

Lfuth a tebe dkito calu knuşyano di mşaynutho, a gabe saqıbloye da Sunna lo hadiri u hathe kmıhşowo xıd hfuxyo mqabıl du rişqutno du athro wa gabe dkıtne bi şultonutho.