04/04/2021

Mnase dmisım inqilab calu malko d’Yurdnon

 Hol 20 farsufe msiki b’Yurdnon, cal dıkmıthomi dımtayablın plan dsaymi inqilab calu malko Abdullah II.

Ha ma farsufani dımsik’ste, u ahuno du malko Hamza bin Hussein’yo. Calu plan dımtayıb mqabıl di iqartho du malko, rişone d’athrawotho frişe u tukose Caraboye u Emwothoye mahwelın hfuxyo.

Athmıl yawme d’Şabtho, b’cuqobe dilonoye dsımlın a hayle di mşaynutho d’Yurdnon msıklın hol 20 farsufe; beynothaye mşale, rabayhaylawotho wu ahuno du malko Abdullah II-Hamza bin Hussein, dkıtyo me emo hreto. Calathe Hamza, mahıt b’hbuşyo du bayto.

A farsufani msiki ma thome du tuyobo d’plan leşan dmadrın u malko wi iqarthayde u cal dıkmşakli qento li mşaynutho d’Yurdnon. Lfuth i mawdconutho dhuwlın hın mabuce l’Reuters, u plan du inqilabano latwe fyziki-awkith bu camlo, elo abici dım’athri cala bnaynoşo leşan u tehriwo di mşaynutho du athro.

Ba yarhe haroyani, mtayıb ğalabe tagliyotho mqabıl du fassad wu şıkıl dmid u pandemi di Corona li ido. U polis du athro’ste maklewole a tagliyothani bu isticmal du ğaz da damce. Hamza dkıtyo saqıbloyo li şultonutho mırle; Ono lıktocano i mşalutho da qetre udu fassad dkito u cal di şultonutho lıkqudro dımdabronutho u athro hani 15-20 eşne.

Calu inqilabano dımnase dmisım b’Yurdnon’ste, i Scudiye, Mısır, Bahrain, Lebnon, Cıraq, Qatar u Huyodo Caraboye, u Mawtbo di Methcadronutho Caraboyto uğer b’qaşyutho krıhlın u camlano u mawdaclın u snodathe lu malko Abdullah II. Wu waziro di baroyutho d’Amerika Ned Price’ste mawdacle, dıkmcaqbi me qariwo i aykanoyuthathe u m’akadle, du malko Yurdnonoyo-hawro ulsoyo’yo l’Amerika u dıksundile kamiloyith.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…