Mor Yuliyos Gallo Şabo frısle egartho bi sbutho du kewo di Corona

U rişmarcitho du Swed u d’Skandinavia di cito Suryoyto Ortodoksoyto Mor Yuliyos Gallo Şabo frısle egartho bi sbutho du kewo di Corona.

 İ mcalyutho Gallo Şabo kroyız a tedbire dıklozım dmaydi a mhaymıne bi sbutho du kewano dıımbarbıs bkull duktho.

Bi egartho dfriso mu hasyo di marcitho du Swed udı Skandinavia Mor Yuliyos Abdullahad Galla Şabo, dımşadro la kohne di marcitho, kmitahke cala tedbire dkito bi sbutho du kewo di Corona.

İ egartho kımo ;Bıthır mıd i şultonutho du Swed mıdla fusqono dlo loyım zıttır me 500 farsufe bıhdo duktho, kubcina mu cameydan dlowe ğalabe ulsoyo, dlo loyım lhdode. Mawxa bu zabnano a hfitwotho wa ltome dkibın dhowın dmitaklın.

Cayni mede i egartho kımmo; Bi sbutho du tehwiyo du şlomo, belhude dmitahıt ido calu sadro, wu myodo du fağro dlowe b’sıbbe du kewo, lıklozım dmimıd. A sobeste bu zabnano dımsalın ba bote tawtıryo.

Bu huthomo di egartho di marcitho du Swed u d’Skandinavia kmitamır, a fusqone mıdlın leşan u hulmono da mhaymıne, mawxa kito bocutho du cameydan, dtobıc la fusqonani ula fusqone dmaydi i şultonutho bi sbutho du kewano d’Corona.