Mqafe bethqbure du camaydan b’Dara b’Turkiya

Ba hfaryotho dikmisım bi mditho catıqto maktabzabnoyto du cameydan b’Dara mqafe bethqbure mkanşe dıgmote u maktbazabnathe l’1500 ışne catiqe.

 İmditho d’Dara dıkmote u maktabzabneyda la dore catiqe du cameydan meqımste mqafe eba a athare dıksohdi calu maktbazabno du cameydan.

Hani zabno yarixo kmisım hfaryotho bi mdithathe dmıştacela dawro rabo bu maktabzabno du cameydan, u dımqafe eba athare, bethqbure wu dukotho mşamhe du maktabzabno catiqo.

Bi mawdconutho dınafıq bu tboco froso d’Turkiya magle, d’ba hfaryotho dıkmisım ucdo mqafe bethqbure mkanşe wu duktho dultomo da maye-Sarınç.

A bethqburani dkıtne bethqbure mkanşe, awkith dkibın şlade d’farsufe mşahılfe kımote u maktabzabnathe l’meqım 1500 eşne. Bu maktabzabno idicoyo di mditho maktbzabnoyto du cameydan hawyo wahdo du qrobo zabnotho sagiyotho.