Mqafe lohitho 2.600 eşne kısuhdo cali tawditho ucalu haylo dkıtwolın a malke Othuroye
Ğrob d’arkeolog Almanoyo, mqafele luho catıqto d’2.600 eşne b’duktho tlitho bu garbyo da shifotho du qusro b’Ninve bu garbyo du Cıraq. İ luhathe dımqafyo ma arkeolog di bethsawbo d’Heidelberg, kısuhdo cali tawditho ucalu haylo dkıtwolın a malke Othuroye.
NINVE, BEth Nahrin — Beyn da shifotho di mdito makthabzabnoyto d’Ninve, mqafelın an arkeolog luho dilonoyto dıkmadilo calu sğodo da alohe catiqe. An arkeolog kımawdıci di luhathe kiba dımşahlıfo i hzayto dkito adyawma cali mardutho dan Othuroye.
Bi maqırhonuthathe an arkeolog kımahkın cali yortutho di mamlaxtho dan Othuroye-a qusre rabe dıbnelın, u sistem da kanale du teştıyo dan arcotho wa şuroye yarixe dıbnelın hedor a mdinothathe-dhol adyawma kımadili calu dawro ulsoyo dkıtwole u camano bu makthabzabno du qlimo.
İ duktho dımqafyo i luhathe, heş ba 2018 sımwo hfaryotho eba elo mqafyo’wa i luhathe du tino dkıtwa tlitho b’şuro celoyo du qusro. Cali luhathe kito rşomo d’2 ma alohe dan Othuroye-Aşur u İshtar-dkıtwa i alohto d’Ninve ucamgaba, kalyo u malko Aşurbanipal. Bi luhathe dkito ğer rşome d’figure dıkmhafdi u malko, gıdmisım ucdo buhone acla.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
