Mşadır paketa dı samo lı Donald Trump

Mşadır paketa lu rişono d’Amerika Donald Trump bu Qusro Heworo, dkıtwo bgawa u samo d’Risin.

 Elo i paketathe meqım dmıtyo lidothe d’Trump, mafitowa ba kontrolle di bildaro/di posta du Qusro Heworo u baroyo mahrıwo.

Lfuth u tboco froso d’Amerika, mşadır paketa dkıtwe u fırşağno u adressayda lu rişono Donald Trump. A egrotho wa paketat kulle dıkmişadri lu Qusro Heworo kmitafiti mu duyoqo. CNN mawdacle, bıthır ma 2 buhone dsimi cali paketathe magle dkıtwo u samo d’Ricin bıgawa.

Ricin, samo ğalabe qawyoyo u knofıq admo bgawe du guşmo u bi harayto khurwi a organe du guşmo. Calathe i sbuthathe baroyo mido li ido ma istixbarat d’Amerika FBİ u kito keşlo di paketathe mşadro me Kanada.

Elo hathe latyo inaqla qamayto dımşadır u samo d’Ricin l’Trump. Ba 2018’ste mahıtwo ido cal paketa dkıtwo bıgawa u samano. Cayni şıkıl paketat, mşadriwoste l’folitiqore frişe du athro. Ba 2013 mşadarwo hawxa şıkıl d’paketa lu rişono catiqo Barak Obama.