Mşalo Almanoyo bi socuruthaythe l’Arbil drişle i mawdyonutho du athraythe bu qtolğenso da Ezidoye
Mşalo mi wazirutho di baroyutho d’Almanya- Tobias Lindner, sımle socurutho li mdito d’Arbil u hawile ytawto camu rişono du qlimo Neçirvan Barzani. Bu yawmoyo di ytawtathe’ste, kle calu ağono mqabıl di marhıbonutho, cali mawdyonutho d’Almanya bu qtolğenso da Ezidoye uğer.
ERBCO-ILO/ARBIL – Tobias Lindner, dkıtyo mi wazirutho di baroyutho d’Almanya mabdele athmıl i socuruthayde l’Boğdod, la hayle folhoye d’Almanya ulu makthbo d’Emwotho Mhaydotho u bıthır’ste li mdito d’Arbil u hawile ytawto camu rişono du qlimo Neçirvan Barzani.
Lindner u Barzani drışlın calu ağono dıkmitahwe mqabıl du tukoso marhıbono d’Dacış, u gzomo da marhıbone bu athro ubu qlimo u kle’ste calu fusqono dmıdle u parlamento d’Almanya dmawdele bu qtolğenso da Ezidoye u drişo i aykanoyutho dbeyn di şultonutho d’Arbil u d’Boğdod.
Lfuth i wazırto di galwoyutho d’Almanya dkityo mu camythan madenhoyo Reem Alabali-Radovan kito adyawma hol 200 alfo Ezidoye b’Almanya, bıthır mıd mgalwewolın mu cnufyo d’Dacış. Almanya camgabe dkıtyo bu koalisyon Emwothoyo, kımcadro’ste a Ezidoye bu Cıraq ubu qlimo d’Kurdistan.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
