26/01/2023

TURCABDIN: Şutose du camaydan kimmi lo lu tehwiyo da mulkone da Suryoye lu TOKİ

A şutose du cameydan dkitne b’Urifi frislin egartho mşawtafto mqabıl da cbode dıksaymo i şıltonutho d’Turkiya bi sbutho da mulkone du cameydan bi fnitho d’Turcabdin. A şutose bi egarthathe dıfrisolın lu tboco froso kımmi u tehwiyo da mulkone du cameydan mu taraf di xazina li şirke d’TOKI sbutho dımacıçzo kulaynayo bu zabnano du cameydan maftele fothe lu athreyde.

26/01/2023

Bi egartho dıfrıslın a şutose du cameydan kımmi ahna a şutose dımdelan i maqırhonuthathe kıbcina dmawdci u tboco froso i sbutho dkıtyo ulsoyto lu cameydan dkuyo bi fnitho d’Turcabdin b’Turkiya. Ba zabne haroye u cameydan u suryoyo dıkhoye b’athrawotho mşahılfe d’britho mşarele dı maftel fothe lafu athreyde , kloqe b’casqwotho frişe da qatre du tapo da mulkone dkıtle.

Cıl ma qatrani kulle uma casqwotho dık loqe mşarele dımhathıth a citawotho u dayre u bote dkıtle, u be bzabno dsoyım socurwotho la dukotheyde.

U şutose bi egarthathe kımmi bu zabnano da Suryoye d’Turcabdin kobın ağuno mqabıl da qatre da tapowiye dkito, ba yarhe haroye laqın bu qatro di Xazina mşarela dobo hın ma arcotho da Suryoye dıbşıkıl fawdo matin li ğazina li şirke d’Toki dbu dawreyda kımzabno a mulkonani btime celoye la Suryoye.

İ şirke du TOKİ dkıtyo masırto msawyo bu rişquthno d’Turkiya kmawfqo a mulkone dıg qoyathla mi ğazina lu zebono ftiho calu darbo du nawlo.

A şutose kımmi lfuth i mawdconutho dık motelan TOKİ kımzabın a mulkone du cameydan bı fiyat ğalabe rabe lu cameydan dıkhoze ruhe jbiroyo dı zowın a arcothani dkıtne masre ba qıryawotheyde. İdicoyo du zebonoano lo bkinutho kmisim .  şutose bıthır mıd kmahkın i lo thnihuthathe mqabıl du mede dkowe ksaymi qrayto li iıltonutho du athro dbu zabnano cabiro ba fulhone da ğuboye dmaydi u sutoro da mulkone du camo Suryoyo d’Turcabdin lfuth u nomuso esonoyo du athro u defoco da mulkone du camo Suryopyo kowe mawthrono la fulhone du turizm.

A şutose dımdelın i maqırhonuthoathe hanine:  Şutoso du quyomo d’Turcabdin-DETA, u Huyodo Suroyo d’Urifi-ESU, Kano Suryoyo, U Huyodo da Hudre d’Turcabdin bu Swed.