Mşare ba fulhone du hethotho dı tarte madraşyotho şarwoye du camaydan b’Telkepe di daşto d’Ninwe

Bi fnitho d’Wana dkıtyo masırto bi qastra d’Telkepe di daşto d’Ninwe, mşare ba fulhone du hethotho d’tarte madraşyotho şarwoye du camaydan bu snodo du tukoso Amerikoyo du Quyomo Emwothoyo-USAİD.

 İ tarmithathe kmisomi bu taro da fulhone du teqwiyo du maşıqlo yulfonoyo di daşto d’Ninwe.

Bu snodo du şutoso Amerikoyo du quyomo emwothoyo d’USAİD, ubu taro di tarmitho d’Hulmono, u qentrun d’Ninwe da zedqe da qalilwotho kımdawım i tarmithayde du terwiho du snodo di mşablonutho yulfonoyto bi fnitho d’Wana dkıtyo masırto cami qastra dı Telkepe di daşto d’Ninwe.

Bu taro du nişano, u qentrun d’Ninwe mşarewole hamşo bu yarho d’Ob dşaficina ba fulhone du bnoyo u hethotho dı tarte madraşyotho şarwoye du camaydan b’Wana. Baynothaye i madraşto trayonitho d’Wana da tloye wi hreto i mdarşto xlıtto d’Hasan Jallad da tloye u talyotho.

İ tarmithathe dkımdawmo hul ucdo, kıtla u nişo dmarwıho a’tarte madraşyotho laşan dqıdri dsaymi baytoyutho l’menyono zıd d’yolufe, u hathe ste bnişo dmıbne generasyon hatho cal şetısyotho yulfonoye thabute, ud’howe u maşıqlo wa şartat du yulfono kamile bi fnitho d’Wana di daşto d’Ninwe.

Odessa Viador dkıtyo i mşalonitho du qentrun d’Ninwe da zedqe da qalilwotho bi maqırhonutho dhula cali tarmithathe mırla “i dawsathe ulsoytoyo laşan dmişawşıti a’madraşyotho, u gawonoyith u maşıqlo du yulfono. Hawxa tarmiyotho kıtlın ste tathir rabo ğalabe bu haqlo macnawi u nafşonoyo da yolufe uda malfone dıklozım dhowelın şartat towe du hulmono, di mşaynutho udi nadifutho”.