Msik u farsufo datre dsımle tahdid u waqıf d’Hrant Dink
U farsufo datre dsımle u waqıf d’Hrant Dink tahdid msik b’Konya u mamtele lu mqimdayono d’Stambıl.
U farsufano dıkmıthım dımşadarle mail du tahdid lu waqıf maslım lu bethdino dmıftıh bethdino mqabıl dide.
Hani zabno dıtre şabe tarte naqqat mıthabıt dsim u waqıf d’Hrant Dink wi bethzawgo du mnohnafşo Hrant Dink Rakel Dink msik bi mditho d’Konya.
Bıthır mıd mamte l’Stambıl u mqomdayono dı Stambıl mıdle fusqono dmımsık u mıftıh bethdino bıhaq du tahdid dsımle. Lfuth u qonuno du athro kito me 3 ışne u hul 7 ışne dino inaqa d’farsufo mhadıd barnoşo lu mawto.
U farsufano dlıkmitawdıc ışme 28 bu yarho d’İyor sımwole tahdid u waqıf bıthır mu tahdid qamoyo dsımwo bu yarho d’İyor.
U mede dıkgorış u zuhoro amşale wa rişone datre gabe di şıltonutho AKP u MHP lulın maqırhonwotho dıkkurhi a tahdidani dıkmisomi calu waqıf d’Hrant Dink.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
