Mtayıb ytawto cama caşıryotho d’Deyr Ezzor

Mtayıb ytawto beyn dımşale da hayle du koalisyon Emwothoyo, da hayle d’QASAD u du mawtbo da caşıryotho d’Albukamal bu qlimo d’Deyr Ezzor.

 Ba droşe dhawın beyn da 3 gabani, tlıblın a rişone da caşıryotho mu koalisyon Emwothoyo, dımcadır a hayle d’QASAD bu darbo da istixbarat u bebzabno, dı sonıd i Mdabronutho yothoyto dmaklıyo a hayle nuxroye dıkmahrıwi a esore beyn da came frişe du garbyo u du madınho d’Suriya.

U Mawtbo da caşıryotho d’Albukamal bu madınho d’Deyr Ezzor d’Suriya, sımlın qroyto lu koalisyon Emwothoyo dıkmirayşın me Amerika, dımcadır a Haylawotho d’Suriya Demoqratoyto bu haqlo da mawdconwotho ğnize u da istixbarat.

Camathe, a caşıryotho tlıblınste mu koalisyon Emwothoyo dı sonıd i klayto folitiqoyto di Mdabronutho yothoyto du garbyo udu madınho d’Suriya leşan dımhadıdo a nesyune da hayle nuxroye dkubci dı xulqi jğuşyo beyn da came frişe du qlimo.

A qroyothani da caşıryotho Caraboye d’Albukamal sim bu madınho d’Deyr Ezzor, bu zabno di ytawto dhawyo beyn da 3 gabe awkith a caşıryotho, mşale d’QASAD u du koalisyon Emwothoyo bi qritho d’Mo Hassan dkıtyo bu madınho di mditho d’Hajin. U nişo di ytawtathe dsimo, dımnasın dımqafın şroyo la qetre dkito bu qlimoyo.

U rabhaylawotho d’QASAD Roni Muhammadste mahkele cali aykanoyutho di mşaynutho du qlimo wu aydarbo kminase dmisım suikaste ma sale da caşıryotho uda mdinoye bu madınho d’Deyr Ezzor. Ahjomani kmisomi bu zabno da şuşote da cuqobe folhoye dıksoyım QASAD bu qlimo.

A mşale du koalisyonste m’akadlın u snodathe l’QASAD bu ağuno mqabıl d’Dacış uda krılyothayde u dgımnasın bkull darbo dımcadri amharbone ba cuqobani dıksaymi. I ytawtathe simo, bı zabno da marhıbone u da ğrube msalhe kıhujmi cala caşıryotho du qlimo bnişo dmahrıwi a esorathe cama hayle d’QASAD