Mu sayfo u hol adyoma kmidafci a qatole da came u da neşe

A qatole wa hayobe dımqabıl da came u da neşe mu zabno du Sayfo hul adyoma kmidafıc aclaye komır u tebo dsim mu taraf d’Marta Sömek li dafo d’Jin News.

Bu tebano dmid u renyo da neşe da came dsim aclaye Sayfo kımmi in a’qatole du Sayfo dmıtlabwo menaye hşowo, ucdo a’neşe lıgmıqtoliwo b’Turkiya dlo rahme.

Bu tebano a neşe dsim acmaye maqıblonwotho kmahkın i marirutho du Sayfo u dheş noşe lık mışğıl acle u be bzabno mıqa a neşe dişi u qtili u mzabno bu zabno du Sayfo mawxa ucdo i şıltonutho lık maydo a neşe li diqa.

Bu tebano dıfris hın ma neşe dkıtne mu camo Suryoyo mu camo Pontusoyo u mu camo Armnoyo  kmahkın cala hbose dkito bu zabno haroyo cala neşe ukmamtın u mamlo lu qatlo di hadimto du gabo demoqratoyo da came HDP Deniz Poyraz ayadrbo i şıltonutho kımkasyo cala qatole u hın ma mşale kobın haklitiye la qatole.

İ Sariye dkıtyo hdo mu camo Suryoyo kamhkyo du qatlano di Deniz latyo mede dmitaqbıl metul d’onosti  kıtli bnotho dıgzaycono aclaye  ramhıl kibin hınesti dmiqtoli, metul hul di şıltonutho knofqo moro la qatole a qatle kzaydi u lıg nuqsi.

Lfuth u tebano i şıltonutho dkıtyo ucdo latla iqoro la neşe mawxa ste mbatela u qyomo dkımdafacwo cala zedqe da neşe dkıtyo bu ışmo u qyomo d’Stambıl.