Mu zabno dmadre u rejim du Ba’ath uholucdo, qtil bu cnufyo uba taxtuşe qariwo l’casralfyo bnaynoşo bi Suriya
Mu zabno dmadre u rejim catiqo d’Suriya uholucdo, qtil bu cnufyo uba taxtuşe qariwo l’casralfyo bnaynoşo bu athro. İ sagiyoyutho da qtiloyani’ste mdinoye’ne wa hrene hadome da ğrobe msalhe d’Suriya’ne. Bu hşowano dsımla i Mşatasto da zedqe noşoye d’Suriya, bşıkıl qriho frısla’ste u mınyono da bnaynoşo dqtili b’kull yarho dşafıc.
SURIYA — Bu qrobo gawoyo d’Suriya dımşarewole bu yarho d’Odor da 2011, qtil ba casro alfayo dıbnaynoşo. 8 bu yarho d’Konun u qamoyo da 2024 madrewo u rejim catiqo d’Başar al Asad ma hayle d’Ahmed al Şarıc dkıtyo ucdo u rişono du athro. Elo u qatlo du camo lo kali u heş kımdawım b’dukotho frişe d’Suriya.
Bu tarano i Mşatasto da zedqe noşoye d’Suriya dıkmcaqbo u qrobano me Britania, malımla tahwiyotho u frısla taşroro calu mınyono da bnaynoşo dqtili bıthır mu nfolo du rejim. Lfuth u hşowano, qtil hol 9.889 bnaynoşo b’Suriya mu zabno dmadre u rejim catiqo. Mani-7.449 mdinoye; beynothaye 396 tloye u 541 neşe’ne.
Bebzabno kmitawdıc dhol 2.535’ste farsufe simi icdam beyn 8 bu yarho d’Konun u qamoyo da 2024 uhol 6 bu yarhano d’Ob bu zabno dmafiti b’teşniqe ba hbuşye dkıtne bide di şultonutho ducdo. Beyn da qtiloyani, kito’ste hadome d’ğrobe folhoye frişe, marhıbone d’Dacış uğer dıbhe da hçome dsımla İsroyel u Turkiya bu athro d’Suriya.
İ Mşatasto kımawdıco’ste u mınyono da farsufe dqtili bkull yarho dşafıc. Beyn da qtiloyani, kito mınyo celoyo d’Mşihoye, Druz u Callawiye dqtili b’dukotho frişe d’Suriya; beynothaye u hçomo marhıbono dsımwo cali cito da Rom Orthodoksoye d’Mor Elias b’Darımsuq wa taxtuşe u cnfuyo dhawi b’Sweda uğer dukotho du taymno du athro.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
