01/05/2021

MUB frısle buyono bi cohnutho dkıtyo ramhıl u cedo di Qyamto d’Moran Yeşuc Mşiho

Bi cohnutho dkıtyo ramhıl u cedo di Qyamto d’Moran Yeşuc Mşiho, frısle u Mawtbo Umthoyo d’Bethnahrin buyono u mırle; Kımcaydina u cedo di Qyamto du camaydan uda Mşihoye kulle, dkıtne masre bu mathab Orthodoksoyo.

Bu buyonano i Sictho di Rişonutho d’MUB kımmo; İ falsafe d’Mşiho dkıtyo u xalas di noşutho, kıtla mıcne rabtho u MUB’ste b’fusqono kamilo’yo bi masiruthayde bi falsafe d’Mşiho.

U buyono du Mawtbo Umthoyo d’Bethnahrin ba melani kımşare; Moran Yeşuc Mşiho bi falsafayde dkıtyo snıdto li hubo di noşutho, meqım 2000 eşne mabdewole ağuno rabo mqabıl di lo kinutho, du sistem di gracyutho udi mıştacmıronutho. Cal bu zabnawo; u barnoşo dmisamwo greco, u qedomo dlo axlaq wu qrobo shıfwolın a timoyotho noşoye. U ağunano kımdawım hol adyawma mqabıl da siyasat dkıtne mahte calu cnufyo.

MUB kaliste calu ağono dkobo i noşutho mqabıl du virus di Corona, uda hayle hakome dmıde a şartat du pandemi xıd fırsa lruhayye, macmaqqe u hbosathe wi mıştacmıronuthathe zıttır. A diktatöre dıkfırdi a ideolojiyathe, kmınci a haymonwotho wa ftakare hrene wi siyasathe hani dore dıkmahto thume qum da cede umthoye u tawdithoye du camaydan. Calathe i falsafe d’Mşiho dkıtyo u xalas di noşutho hawila mıcne zıttır. Bu qlimo du Madınho Mıscoyo a mşale ksaymi hawbe u kıturdi a Mşihoye, u kmafiti li harake a marhıbone dkıtne masre ebayye.

MUB mırle; Xıd Mawtbo Umthoyo d’Bethnahrin kobina ağuno bfusqono kamilo bi masirutho di falsafe d’Mşiho dkobe iqoro lu barnoşo, leşan du camaydan dcoyış a cedayde. Hano ağunoyo dıkmitahwe leşan u camaydan dcayiş taht hbose u dmankıro i hiyoyuthayde, b’Bethnahrin dqomır statu me hatho u dımcayıd a cedayde b’hirutho’yo. Bu asas di masirutho d’Mşiho dhule ulsoyutho lu tacbo du barnoşo, mqabıl di mıştacmıronutho, kmaydina duktho bu ağuno di demoqratoyutho.

Mşiho leşan i hirutho du tacbo du barnoşo u mqabıl di mıştacmıronutho mşawşatle u yulfono di şawyutho udi methcadronutho. Bu taro du yulfonano, bi netije du ağuno dhula i noşutho mhaqıq 1 İyor u yawmo da falohe d’britho u kımcaydina u yawmano. Xıd Mawtbo Umthoyo d’Bethnahrin kımcaydina u cedo di qyomto du camaydan, da rişonaydan a tawdithoye, da yaqrothaydan da Sohde uda Mşihoye kulle. Camgabıdathe b’haymonutho dımcaydina u cedo di Qyamto di şato dothe bşartat hire u dlo pandemi, ksaymina qroyto lu camaydan dmitakıs hedor du ağuno du xalas umthoyo du camaydan.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…