MUB frısle egartho d’tahınyotho la şutose u tukose du camaydan cali asirutho dmahwe uli iqoro dmahwe bu yubolo da 25 eşne du ağono umthoyo

BETH NAHRIN – İ rişitho di egarthathe dfriso mi Sictho di Rişonutho d’MUB kımşaryo; La mathlone da şutose u tukose du camaydan ula rohomaydan, kımdawmo ba melani, i mıştawtıfonuthathxu li hfitutho du yubolo dımtaybolan bi cohnutho di mşatsonutho da 25 ışne du Mawtbo Umthoyo d’Bethnahrin bi mdito d’Paderbon bu athro d’Almanya bu siqumo 08.06.2025, neshono raboyo elayna.

Mu cımqo d’lebayna kımqadmina a tawdiyothaydan la mmathlone folitiqoye, marduthoye u tawdiyotho du camaydan, la amnoraydan, la omuraydan ula rohmaydan, dmıştawtaffe li hfituthathe didan u dımşadarre egrotho. Camu şuşoto du sabro udi arcoyutho dmıltım lıhdode hedor a timoyotho umthoye, u camaydan kmıfsıh, knofıq moro lu dactithayde, u kcoyış  i fsihutho dmamte li duktho i wolithayde di mothonoyutho.

MUB komır; U maşıqlano, kull dıkımqarawlan lıhdode zoyıd, u haylaydanste knofıq li holo, ubu şıkılano an esoraydan cama hayle Emwothoye qımrre mıcne u ulsoyutho. Calathe bu sebyonaydan du ağuno leşan dımtena la nişaydan, ktucnina i mşalutho dımhalqina dawsat b’fedekariye rabtho. Bu asasano kımqadmina a tawdiyothaydan, lu camaydan u mothonoyo dhawile tacbo bu makthabzabno du ağunaydan, la mdabrone da şutose u tukose du camaydan dkıtne bu mafhum di hdoyutho umthoyto, la rohmaydan, cali awyutho dmahwelın.

U yubolo da 25 d’MUB dımtayabwo yawme d’Huşabo dşaficna b’Paderborn, bı tahrazto catırto mlitho mamle me czime u farsufe u mşale foltiqoye u tawdithoye du camaydan u dcame hrene cam qroyo d’egrotho u mamle, mdawamwola ba mimre dımqadmi ubi musiqi uba zmirotho basime da zamore du lalyano.