Muharem İnce mabdele kampanya dışma ”alfo yawme u zawco du athro”

U hadomo du gabo d’CHP u dımraşahwo meqım li rişqutnutho d’Turkiya Muharem Ince, mabdele i kampanya dmahıtle ışma b’alfo yawme u zawco du athro.

 İ kampanyathe mabıdyole adyawma mi mditho d’Sivas, u bu mamlayde sımle sturyo i şultonutho wa gabe saqıbloye dkito b’Turkiya.

 Muharem İnce bıthır mıd mraşahwole nafşe la ğuboye di rişqutnutho du athro u dı xasırwo mqabıl d’Erdoğan hawi droşe mşahılfe acle bu tboco froso, bhın ma droşe dkowe bhaq dide kmitawmarwo dkobıc mşatıs gabo lruhe, u mu gabo di CHP kothe tebe dkıbci mhalqile mu gabo.

Elo Ince mawdacwole meqım zabno dgımşare zawco laşan dımqafe şroyo la qatre du athro.  Adyoma mabdele i kampanyathe dmahıtle ışma alfo yawme zawco du athro mi mditho d’Sivas.

Bu mamlo dsımle mırle u athro kıtle sniqutho lu şlomo u lıhdono, a bnaynoşo dmaqıbli hdode u dhıdni hdode xıd barmothoye du athro. Me gabo i şıltonutho kıtla zuctho dı xusro i şıltonutho, u me xasra hreto a saqıbloye kmıftakri hol u camo a barmothoye mın kmıftakri awste a qariwe mın gdımi, bu dumyano kzayci dsaymi saqıbloyutho.

Bu mamleyde mırle iclaymutho latla sabro u 70 bamo mane kıbci dnıfqi mu athro. Bu makatbazabno d’Turkiya inaqa qamayto a farsufe dlı kudci u qolathe lıman gdobıle kmote l’32 bamo. Muharem Ince bu mamleyde mahkele dıgkorıx a mdinotho du athro u mırle: i şıltonutho dkito ucdo kdımyo l’şuro hayido dmohıt idox ebe gıdnofıl, elo i saqıbloyutho lı qudro mawzıdo a qoleyda.

Ba sturyeyde la gabe saqıbloye mırle. İ saqıbloyutho kımo lı nıfqina larwal laşan dmitawmarlan marıhbone, awste cami camaca FETO awste xayın du athro, hawxa laybe howe saqıbloyutho.  Bu dumyano mabdele u yawmo qamoyo di kampanya dkıtle laşan dmarğış u camo.