In this photo released by Lebanon's official government photographer Dalati Nohra, Lebanese President Michel Aoun, left, receives a letter of resignation from Lebanese Prime Minister Hassan Diab, at the presidential palace, in Baabda, east of Beirut, Lebanon, Monday, Aug. 10, 2020. Lebanon's prime minister stepped down from his job on Monday in the wake of the disastrous Beirut port explosion that triggered public fury, saying he has come to the conclusion that corruption in Lebanon is "bigger than the state." (Dalati Nohra via AP) HAS117
11/08/2020

Mzahriwo amşale d’Lebnon calu qento da mluwe dımfarqıciwo

11/08/2020

Nafıq li holo, da rişone folitiqoye d’Lebnon kıtwolın haj mu qento da mluwe dımfarqıci bu lmino d’Beyurt, u dhawın celtho lu qatlo d’163 farsufe u 6 alfo hrene dmijarhi.

 Lfuth Rueters, mşale di mşaynutho dkıtne b’darğo celoyo b’Lebnon, mzaharwolın meqım u rişqutno wu rişwazire calu qento rabo dkito, da mluwe dkibın dmifarqıci bu lmino d’Beyrut, u dsıhfi i erişkoyto.

 Lfuth tahwiyotho dhawile u ajans d’Rueters mawdconutho aclaye, mşale Lebnonoye di mşaynutho b’darğo celoyo mzaharwolın bu yarho dı Tamız dşaficina u rişqutno Mişel Caun wu rişwazire Hassan Diyab, dkito 2750 tonat mluwe d’netrat amonyom bu cambar du lmino d’Bayrut dkımşakli qento rabo di mşaynutho, u dkibın dsıhfi Bayrut ida dothe amluwani dmifarqıci.

Reuters mawdacla di mdabronutho gawonoyto di mşaynutho d’Lebnon bu taşroro dıfrısla calu furqoco d’Bayrut, grışla u zuhoro cal egartho dımşadrowa dilonoyith lu rişqutno u lu rişwazire bu siqumo d’20 bu yarho dı Tamız dşaficina.

Mşalo rabo di mşaynutho mırle “bi egarthathe kıtwo mawdconutho cali netije da buqore dsımiwo bu yarho d’Konun u Haroyo dşaficina, u tlıbwo dmisım u garanti du nfoqo du moro la mluwe kmiyawi dkito bu lmino d’Bayrut udmitahti b’duktho mşayanto. Kıtwoste qento dmitıstacımliwo a’mluwani bı hjomo marıhbono ida dmıgnowi”.

Bebzabno, u mathlono du rişwazire Hassan Diyab dmıstacfele mi wolithayde, bi maqırhonutho dhule lu tboco froso mırle “i egartho masılmowa lu rişwazire 20 bu yarho dı Tamız, u mşadrowa lu mawtbo celoyo di mudafaca d’Lebnon laşan dobe i hzaytayde cali sbuthathe b’zabno d’48 şoce. Wa şultınwotho d’Lebnon dmeqım kıtwo b’qamuthaye şeth ışne laşan dımsafın i sbuthathe, elo lısımlın mede”.

Bi şabtho dşaficina, u rişqutno Caun makadwole dhuwo ele xabro cala mluwe kimyawi dkito bu lmino d’Bayrut, u mawdacwole la gelyunore dıtlıbwole mu notarrozo gawonoyo du mawtbo celoyo di mudafaca d’Lebnon dıklozım dsoyım u mede dıknofıl acle bi sbuthathe. Kmıntır du tegliyo dcali egarthathe, dxolıq sturye hathe qaşye u dmawzıd u ruğzo camonoyo mu furqoco dıkmadıl calu fasad da rişone folitiqoye dıtfıklın Lebnon lafu shofo momunoyo.