Nafiq qale bu parlamento d’İsroyel
U rişwazire d’İsroyel Benyamen Netanyahu, maslaqle u renyo du şuhlofo du qonuno du sistem di kinutho, li Sictho di kinutho dkıtyo bu parlamento du athro. Mu zabno dmid u renyo du şuhlofo du qonunano meqım şwac şabe, u camo İsarloyo kımdawım dmahwe u hfuxyayde mqabıl di şultonutho d’Netanyahu.
URIŞLEM – Kull yawme şabtho-hani şwac şabe kınofıq ban alfayo dıbnaynoşo la zabuqne d’İsroyel leşan dmahwın i saqıbloyuthathe lu renyo di şultonutho dkubco dımşahlıfo u qonuno du sistem di kinutho du athro. Wu athmıl’ste naqla hreto, ba mo alfayo d’İsarloye layimi qum du parlamento-Knesset dkıtyo b’Urışlem, leşan dmahwın u hfuxyathe mqabıl du rişwazire Benyamen Netanyahu.
Bıgawe d’Knesset, bıthır mıd mfayıt u renyo bhdo ma sictho du parlamento, qayimi a qoyume lhıdode ulu rişono du parlamento. Bu quwolano, maqbalwo u renyo b’9 qole mqabıl d’7 Lo. Hın ma qoyume’ste bu hboso mawfıqi mu knuşyo. U renyano, klozım bi qamayto dfoyıt ba sicotho du parlamento kulle.
U quwolo hreno, gıdmisım yawme d’Tre dıbqamuthayna. Ba tagliyothani u camo kımawdıc, du şuhlofano du qonuno di kinutho kmitahwıyo i şalitutho la folitiqore u dmitatım u kontroll du bethdino celoyo. İ dawsathe gıdmatimo i demoqratoyutho bu athro.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
