Ositho Riham Yacub qtilo b’Al Basra

Bu athro du Iraq, a suikaste dcala hfite folitiqoye kzaydi, kmawdıc u tboco froso Iraqoyo. 

 Athmıl casriye farsufe di hiyoyuthathe latyo idicto, marıslın buğre cali ositho wi hfito Riham Yacub b’Basra du Iraq, u qtilolın.

Bıthır mıd u camo du Iraq mşarewole ba tagılyotho dı tolabwo du athro dmişatıs bşıkıl demoqratoyo u dhowe thnihutho ebe, farsufe dılatyo ihiyoyuthathe idicto mşarewolın bu qatlo dhın ma mşale da tagılyothani du kıtweyne hfite bu tlobo da zedqe du athro.

Bıthır mıd mşatsowa i şıltonutho dkıtyo bi rişonutho du rişwazire Mustafa Elkazimi mawdacwole da mtagılyone kıtlın zedqe dhowelın a talabe demoqratoye laşan u athro. Bıthır ma maqıblonwothani mşarelın farsufe dı latne ihiyoyuthathe idicto dmaydi nişo lruhaye a farsufe dkıtne hfite bi sbutho da talabe dkito dmicadıl u athro u dmiharır mu tathir du İran dkıtle acle.

Bi sbuthathe du qatlo dkowe mqabıl da hfite bi şabthathe hawi 3 qatle,  u qatlo qamoyo hawiwo  yawme dıcrutu Tahsin Ali  dkıtwe ha hfito qtılwo me farsufe latne idice, bıthır mu qatlano mid u mşalo da haylawotho di mşaynutho d’Basra mi wolitehyde.

Yawme dıtreste Lodya Rimonste qtilowa naqa hreto b’Basra me farsufe di hiyoyuthathe latyo idicto. U qatlo datlotho hawi athmıl ba şoce dı casriye qtilın i ositho Riham Yakoub ba buğre dımarıs acla me qariwo u mwayacla a hayeyda.

Lfuth amfaşqone folitiqoye aqatlani kito nişe folitiqoye  bıthraye u hın ma mfaşqoneste kımi kibe dhowe gurube mıdu İran bıthraye.